ആലപ്പുഴ: വിദ്യാര്ത്ഥിയെ പണം ആവശ്യപ്പെട്ട് രണ്ടംഗ സംഘം മര്ദ്ദിച്ചു. അറവുകാട് ഹയര്സെക്കന്ററി സ്കൂളിലെ പ്ലസ് ടു വിദ്യാര്ത്ഥി പുന്നപ്ര തെക്കുപഞ്ചായത്ത് പതിനാലാം വാര്ഡ് പുതുവല് വീട്ടില് വിനോദിന്റെ മകന് വിഷ്ണു (16)വിനാണ് മര്ദ്ദനമേറ്റത്. വെള്ളിയാഴ്ച ഉച്ചയ്ക്ക് പന്ത്രണ്ടരയോടെ അറവുകാട് ക്ഷേത്രവളപ്പിലായിരുന്നു സംഭവം. ഉച്ചഭക്ഷണം കഴിക്കാന് പോയ വിഷ്ണുവിനെ വണ്ടാനം സ്വദേശികളായ രണ്ട് യുവാക്കള് തടഞ്ഞുനിര്ത്തുകയും പോക്കറ്റില്നിന്നും പണം അപഹരിക്കാന് ശ്രമിക്കുകയുമായിരുന്നു. ഇതിനെ എതിര്ത്ത വിഷ്ണുവിനെ ഇരുവരും ചേര്ന്ന് മര്ദ്ദിച്ചു അവശനാക്കുകയായിരുന്നു. വിഷ്ണുവിന്റെ പരാതിയുടെ അടിസ്ഥാനത്തില് പ്രതികള്ക്കുവേണ്ടി പോലീസ് അന്വേഷണം ഊര്ജിതമാക്കി.
വിദ്യാര്ത്ഥിയെ രണ്ടംഗ സംഘം മര്ദ്ദിച്ചു
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.