അമ്പലപ്പുഴ: ഓള് ഇന്ത്യ ബ്രാഹ്മിണ് ഫെഡറേഷന്റേയും വൈദിക സുരക്ഷാസമിതിയുടേയും സംയുക്താഭിമുഖ്യത്തില് സംഘടിപ്പിക്കുന്ന സംസ്ഥാന വേദവിചാരസത്രത്തിന് കുഞ്ചന് നമ്പ്യാര് സ്മാരക ഓഡിറ്റോറിയത്തില് തുടക്കമായി. വേദപണ്ഡിതന് കോതാംഗലം വാസുദേവന് നമ്പൂതിരി മൂന്ന് ദിവസത്തെ ക്യാമ്പ് ഉദ്ഘാടനം ചെയ്തു. സ്വാഗതസംഘം ചെയര്മാന് കേശവന് നമ്പൂതിരി അദ്ധ്യക്ഷത വഹിച്ചു. എഐബിഎഫ് സൗത്ത് സോണ് ജനറല് സെക്രട്ടറി അഡ്വ. ആര്. കന്യാകുളങ്ങര സുബ്രഹ്മണ്യന് പോറ്റി, ബ്രാഹ്മിണ് ഫെഡറേഷന് ജില്ലാ പ്രസിഡന്റ് പി.ജി. രാമകൃഷ്ണന്പോറ്റി, ഹരിഹര കൃഷ്ണ അയ്യര് തുടങ്ങിയവര് സംസാരിച്ചു. വേദ വിഷയങ്ങളെ അധികരിച്ചുള്ള ചര്ച്ചയില് വേദ പണ്ഡിതര്, വൈദിക ശ്രേഷ്ഠര്, വൈദിക വിദ്യാര്ത്ഥികള്, രാഷ്ട്രീയ-സാമൂഹിക-സാംസ്കാരിക പ്രവര്ത്തകര് എന്നിവരാണ് പങ്കെടുക്കുന്നത്.
പ്രബന്ധാവതരണം, സംവാദം, വേദ പ്രഭാഷണങ്ങള്, വേദജപം, യാഗോപകരണ പ്രദര്ശനം, ചരിത്ര പ്രദര്ശനം, യാഗങ്ങളുടെ വീഡിയോ പ്രദര്ശനം എന്നിവയും നടക്കുന്നു. രണ്ടാം ദിവസമായ ചൊവ്വാഴ്ച രാവിലെ 9.30ന് പഞ്ചശ്രീ പുരസ്കാര സമര്പ്പണ സമ്മേളനം കെ.സി. വേണുഗോപാല് എംപി ഉദ്ഘാടനം ചെയ്യും. വൈദിക ശ്രേഷ്ഠരും, വൈദിക പണ്ഡിതന്മാരുമായ തൃക്കൈക്കാട്ടുമഠം വാസുദേവ ബ്രഹ്മാനന്ദ തീര്ത്ഥ, തൈക്കാട്ടു വൈദികന് കേശവന് നമ്പൂതിരി, പുതുമന ഡി. ശ്രീധരന് നമ്പൂതിരി, കൈമുക്ക് വൈദികന് രാമന് അക്കിത്തിരിപ്പാട്, പി.ജി. രാമകൃഷ്ണന് പോറ്റി എന്നിവര്ക്കാണ് പുരസ്കാരങ്ങള് നല്കുന്നത്. പി.ഡി.കേശവന് നമ്പൂതിരി അദ്ധ്യക്ഷത വഹിക്കും.
