ശബരിമല : ധര്മ്മശാസ്താവിന് മണ്ഡലപൂജയ്ക്ക് ചാര്ത്തുവാനുള്ള തങ്കഅങ്കി രഥഘോഷയാത്ര ഇന്ന് രാവിലെ 7 ന് ആറന്മുള പാര്ത്ഥസാരഥി ക്ഷേത്രസന്നിധിയില് നിന്ന് ആരംഭിക്കും.
തിരുവിതാകൂര്ദേവസ്വംബോര്ഡ് പ്രസിഡന്റ് അഡ്വ.എം.പി.ഗോവിന്ദന്നായര്, ദേവസ്വം ബോര്ഡ് മെമ്പര്മാരായ സുഭാഷ്വാസു, പി.കെ. കുമാരന്, ദേവസ്വം കമ്മീഷണര് പി.വേണുഗോപാല് എന്നിവര് സന്നിഹിതരായിരിക്കും.
തങ്കഅങ്കി അണിഞ്ഞ അയ്യപ്പവിഗ്രഹവും വഹിച്ച് ആദ്യ ദിവസം ഓമല്ലൂര് ശ്രീ രക്തകണ്ഠ സ്വാമി ക്ഷേത്രത്തില് എത്തുന്ന ഘോഷയാത്ര പിറ്റേന്ന് രാത്രി കോന്നി മുരിങ്ങമംഗലം ക്ഷേത്രത്തില് എത്തും. 25 ന് രാവിലെ യാത്ര പുനരാരംഭിച്ച് പെരുനാട് ക്ഷേത്രത്തിലെത്തി ഡിസംബര് 26 ന് ഉച്ചയ്ക്ക് പമ്പയില് ഘോഷയാത്ര എത്തിച്ചേരും. അവിടെ നിന്ന് പമ്പ അഡ്മിനിസ്ട്രേറ്റീവ് ഓഫീസര്, പമ്പ സ്പെഷ്യര് ഓഫീസര്, പമ്പ അസിസ്റ്റന്റ് എന്ജിനീയര് എന്നിവര് ചേര്ന്ന് ഘോഷയാത്രയെ സ്വീകരിച്ച് ഗണപതി ക്ഷേത്രത്തിന് മുന്നില് ദര്ശനത്തിന് വയ്ക്കും.
വൈകുന്നേരം 5 മണിയോടെ അയ്യപ്പസേവാ സംഘം വോളന്റിയര് മാരുടെ സഹായത്തോടെ ശരംകുത്തിയിലെത്തിക്കുന്ന തങ്കഅങ്കിയെ ശബരിമല എക്സിക്യൂട്ടീവ് ഓഫീസറുടെ നേതൃത്വത്തിലുള്ള സംഘം സ്വീകരിച്ച് സന്നിധാനത്തിലെത്തിക്കും.
സോപാനത്തെത്തുന്ന തങ്കഅങ്കിയെ തന്ത്രിയും മേല്ശാന്തിയും ചേര്ന്ന സ്വീകരിച്ച് അയ്യപ്പ വിഗ്രഹത്തില് ചാര്ത്തി സന്ധ്യാദീപാരാധന നടത്തുന്നതോടെ തങ്കഅങ്കി ഘോഷയാത്രയ്ക്ക് സമാപനമാകും. ആറന്മുള ദേവസ്വം അസി.കമ്മീഷണര് ജി. വേണുഗോപാല് ആറന്മുള മുതല് ശബരിമല വരെ തങ്കഅങ്കി ഘോഷയാത്രയെ അനുഗമിക്കുമെന്ന് ദേവസ്വം ബോര്ഡ് അധികൃതര് അറിയിച്ചു.
