കോട്ടയം: എന്എസ്എസ് കോട്ടയം താലൂക്ക് യൂണിയന്റെ 77-ാമത് വാര്ഷിക പൊതുയോഗം 20ന് പ്രസിഡന്റ് ബാലകൃഷ്ണപിള്ളയുടെ അദ്ധ്യക്ഷതയില് യൂണിയന് ഹാളില് നടക്കുമെന്ന് സെക്രട്ടറി എ.എം രാധാകൃഷ്ണന് അറിയിച്ചു. യോഗത്തില് 133 കരയോഗങ്ങളിലെ യൂണിയന് പ്രതിനിധികളും യൂണിയനിലെ വ്യക്തിഗത അഗംങ്ങളും പങ്കെടുക്കും. 2013-14ലെ പ്രവര്ത്തന റിപ്പോര്ട്ടും, 2014-15ലെ ബജറ്റും യൂണിയന് സെക്രട്ടറി അവതരിപ്പിക്കും.
മുന്വര്ഷം 132 കരയോഗങ്ങളും 22 വ്യക്തികളുമായിരുന്നു യൂണിയനിലെ അംഗങ്ങള്. എലിക്കുളം മേഖല യില് കൂരാലി കരയോഗം കൂടി നിലവില് വന്നതോടെ നിലവില് 133 കരയോഗങ്ങളായി. കരയോഗങ്ങള് സ്വന്തമായി മന്ദിരം ഉണ്ടാക്കുന്നതിനായിരിക്കണം പ്രഥമ പരിഗണന കൊടുക്കേണ്ടതെന്ന് പ്രവര്ത്തന റിപ്പോര്ട്ടില് ചൂണ്ടിക്കാട്ടുന്നു. യൂണിയനിലെ 30 കരയോഗങ്ങള്ക്ക് ക്ഷേത്രങ്ങളുടെ ഉടമസ്ഥാവകാശം ഉണ്ട്. ളാക്കാട്ടൂര് കരയോഗത്തിന് ഹയര്സെക്കണ്ടറി സ്കൂളും, മറ്റക്കര, പരിപ്പ്, കോത്തല കരയോഗങ്ങള്ക്ക് ഹൈസ്കൂളുകളും, എലിക്കുളം, ഉരുളികുന്നം, കൂരോപ്പട കരയോഗങ്ങള്ക്ക് പ്രൈമറി സ്കൂളുകളും സ്വന്തമായിട്ടുണ്ട്. ഓഡിറ്റോറിയങ്ങള്, ഷോപ്പിംഗ് കോംപ്ലക്സ്, ഭൂസ്വത്ത് തുടങ്ങി ഭദ്രമായ അടിത്തറയുള്ള കരയോഗങ്ങളുടെ സ്വത്തുക്കള്ക്ക് നൂറ് കോടി രൂപ വിലയാണ് കണക്കാക്കുന്നത്.
മന്നം സോഷ്യല് സര്വീസ് സൊസൈറ്റിയുടെ കീഴില് 339 സംഘങ്ങള് പ്രവര്ത്തിക്കുന്നു. ഈ സംഘങ്ങളുടെ തനതു സമ്പാദ്യം 180 ലക്ഷം രൂപയാണ്. റിപ്പോര്ട്ട് വര്ഷം യൂണിയനിലെ മികച്ച കരയോഗമായി തെരഞ്ഞെടുക്കപ്പെട്ടിരിക്കുന്നത് 956-ാം നമ്പര് മീനടം കരയോഗമാണ്. രണ്ടാം സ്ഥാനം 642-ാം നമ്പര് മണര്കാട് കരയോഗത്തിനും മൂന്നാം സ്ഥാനം 312-ാം നമ്പര് പങ്ങട കരയോഗത്തിനും ലഭിച്ചു. ഏറ്റവും മികച്ച വനിതാസമാജം അയ്മനം കരയോഗത്തിലേതാണ്. മികച്ച ബാലസമാജം മള്ളൂശേരി തിടമ്പൂര് കരയോഗത്തിലേതാണ്. എന്എസ്എസ് ഭവന പദ്ധതി പ്രകാരം അരലക്ഷം രൂപ വീതം മൂന്നുപേര്ക്കും, 7പേര്ക്ക് ചികിത്സാ ധനസഹായവും, 7പേര്ക്ക് വിവാഹ ധനസഹായവും നല്കി.
പ്രതികരിക്കാൻ ഇവിടെ എഴുതുക: