പൊന്കുന്നം: സംയുക്ത മോട്ടോര് തൊഴിലാളി സമര സമിതിയുടെ നേതൃത്വത്തില് ജൂലൈ 1, 2 തീയതികളില് നടക്കുന്ന ചക്രസ്തംഭന സമരത്തിന് മുന്നോടിയായി 18, 19 തീയതികളില് കോട്ടയം ജില്ലയുടെ വിവിധ േേഖലകളില് പ്രചരണ ജാഥ സംഘടിപ്പിക്കും. 19ന് രാവിലെ 9.30ന് ഈരാറ്റുപേട്ടയില് നിന്നും ആരംഭിക്കുന്ന ജാഥ 10.30ന് കാഞ്ഞിരപ്പള്ളിയില് എത്തും. തുടര്ന്ന് എരുമേലി, പൊന്കുന്നം, കൊടുങ്ങൂര് മേഖലയില് പ്രചരണം നടത്തും. വൈകിട്ട് ആറിന് ചങ്ങനാശേരിയില് സമാപിക്കും. സമരത്തിന്റെ ഭാഗമായി 24ന് ജോയിന്റ് ആര്ടിഒ ഓഫീസ് മാര്ച്ച് നടത്തും. നികുതി വര്ദ്ധനവ് പിന്വലിക്കുക, നികുതി അടയ്ക്കുമ്പോള് ഇന്ഷുറന്സ് സര്ട്ടിഫിക്കറ്റ് ഹാജരാക്കേണ്ടതില്ലെന്ന നിബന്ധന ഒഴിവാക്കുക, ഇന്ഷുറന്സ് പ്രീമിയം വര്ധന പിന്വലിക്കുക, ക്ഷേമനിധി പ്രവര്ത്തനം കാര്യക്ഷമമാക്കുക, നികുതി ഇ-പേയ്മെന്റ് വഴി അടയ്ക്കണമെന്ന തീരുമാനം ഉപേക്ഷിക്കുക എന്നീ ആവശ്യങ്ങള് ഉന്നയിച്ചാണ് സമരം നടത്തുന്നത്. സമരം വിജയിപ്പിക്കുന്നതിനായി മോട്ടോര് മേഖലയിലെ സംയുക്ത യൂണിയനുകളുടെ നേതൃത്വത്തില് ചിറക്കടവ് പഞ്ചായത്ത് തല കണ്വന്ഷന് നടത്തി. ബിഎംഎസ് ജില്ലാ പ്രസിഡന്റ്് വി. എസ്. പ്രസാാദ് കണ്വന്ഷന് ഉദ്ഘാടനം ചെയ്തു. ഐഎന്ടിയുസി പഞ്ചായത്ത് പ്രസിഡന്റ്് ജയകുമാര് കുറിഞ്ഞിയില് അധ്യക്ഷത വഹിച്ചു. അഡ്വ. ഡി. ബൈജു, പി.എ. മാത്യു, ഐ.എസ്. രാമചന്ദ്രന്, സുരേഷ് ടി. നായര്, ബി. രവീന്ദ്രന് നായര് തുടങ്ങിയവര് പ്രസംഗിച്ചു.
ചക്രസ്തംഭന സമരം ജില്ലാ പ്രചാരണ ജാഥ നാളെ കാഞ്ഞിരപ്പള്ളിയില്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.