കോട്ടയം: തിരുനക്കര മൈതാനിയില് നടക്കുന്ന അരിമേളയോടനുബന്ധിച്ച് അരിഇടി മത്സരവും നാടന് പശുക്കളുടെ പ്രദര്ശനവും ഇന്ന് നടക്കും. രാവിലെ 9ന് മന്ത്രി തിരുവഞ്ചൂര് രാധാകൃഷ്ണന് പ്രദര്ശനം ഉദ്ഘാടനം ചെയ്യും. അരിഇടി മത്സരം ജോസ് കെ. മാണി എംപി ഉദ്ഘാടനം ചെയ്യും. പ്രസ്ക്ലബ്ബ് പ്രസിഡന്റ് എസ്. മനോജ് അദ്ധ്യക്ഷത വഹിക്കും. അരിയിടി നേരില് കാണാനും അരി ഇടിക്കാനും അവസരമുണ്ട്. മത്സരത്തില് പങ്കെടുക്കാന് ആഗ്രഹിക്കുന്നവര് രാവിലെ 8ന് തിരുനക്കര മൈതാനിയില് എത്തണം.
നാടന് പശുക്കളുടെ പ്രദര്ശനം രാവിലെ 9ന് ആരംഭിക്കും. ദക്ഷിണേന്ത്യയിലെ പശു വര്ഗ്ഗത്തിന്റെ മാതാവായ ഹല്ലികള്, അപൂര്വ്വങ്ങളില് അപൂര്വ്വമായി മാത്രം കാണുന്ന കപില, പാലുല്പാദനത്തില് ലോകത്തില് ഒന്നാം സ്ഥാനമുളള ഗീര്, അഴകിലും ആരോഗ്യത്തിലും മുന്നിട്ടുനില്ക്കുന്ന നാടന് ജനുസ്സുകളായ കൃഷ്ണ, ഉബ്ലാച്ചേരി, കാസര്കോടന്, വെച്ചൂര്, തഞ്ചാവൂര് പശുക്കളുമാണ് പ്രദര്ശനത്തിനുള്ളത്.
