കോട്ടയം: കുരുന്നു മനസിലെ ഭാവനകളെ കാന്വാസിലേക്ക് പകര്ത്തി ചിത്രരചനാ കളരിക്കു തുടക്കമായി. പരിശീലനത്തിനെത്തിയ ഓരോ കുരുന്നും അവരുടേതായ വര്ണലോകത്തേക്കു പാറി നടക്കുകായിരുന്നു. തൂമിഴി തുമ്പില് വിടര്ന്ന കാഴ്ചകള് കുട്ടികള് കാന്വാസിലേക്കു പകര്ന്നു.
ലളിതകലാ അക്കാദമിയും നവയുഗ് ചില്ഡ്രന്സ് തീയേറ്ററും ചേര്ന്നു സംഘടിപ്പിക്കുന്ന ചിത്രരചന കളരി പബ്ലിക് ലൈബ്രറി മിനി ഹാളില് പ്രശസ്ത ശില്പി കാനായി കുഞ്ഞിരാമന് ഉദ്ഘാടനം ചെയ്തു. ഇന്നലെ നടന്ന ക്ലാസിനു ചിത്രകാരന് ‘പി. എം പ്രസന്നകുമാര് നേതൃത്വം നല്കി. ചിത്രരചനയുടെ അടിസ്ഥാനം, പുതിയ കാലത്തെ പ്രവണതകള് എന്നിവ കുട്ടികള്ക്കു രചനയിലൂടെ കാട്ടി കൊടുത്തു. കുട്ടികള്ക്ക് ഇഷ്ടമുള്ള ചിത്രങ്ങള് വരയ്ക്കാനും അവസരം നല്കി. ഇതിലൂടെ കുട്ടികളുടെ ഉള്കാഴ്ചകളെ കണ്ടെത്താനാകുമെന്ന് ചിത്രകാരന് പ്രസന്നകുമാര് പറഞ്ഞു.
ആര്ട്ടിസ്റ്റ് സുജാതന്, ഏബ്രഹാം ഇട്ടിചെറിയ, ആര്ട്ടിസ്റ്റ് അശോകന്, ആര്ട്ടിസ്റ്റ് ശങ്കര്, ചിത്ര കൃഷ്ണന്കുട്ടി, സംവിധായകന് ജോഷി മാത്യു എന്നിവര് പങ്കെടുക്കും. പരീശീലന കളരി ഇന്ന് സമാപിക്കും. സമാപനസമ്മേളനം ലളിതകലാ അക്കാദമി ചെയര്മാന് കെ.എ. ഫ്രാന്സിസ് ഉദ്ഘാടനം ചെയ്യും. രാവിലെ 9.30 മുതല് 4.30വരെയാണു ക്യാമ്പ്. ചിത്രരചനാ കളരിയുടെ ഉദ്ഘാടനം കാനായി കുഞ്ഞിരാമന് നിര്വഹിക്കും.
