കോട്ടയം: ആറന്മുള വിമാനത്താവളത്തിനെതിരെ നടന്നു വരുന്ന സമരത്തിന്റെ നൂറാം ദിവസമായ ഇന്നലെ ഹിന്ദു ഐക്യവേദി ജില്ലയുടെ വിവിധ ഭാഗങ്ങളില് ധര്ണ്ണകള് സംഘടിപ്പിച്ചു. കോട്ടയം കളക്ട്രേറ്റിനു മുമ്പില് നടന്ന ധര്ണ്ണ ബിജെപി ജില്ലാ ജനറല് സെക്രട്ടറി എന്.ഹരി ഉദ്ഘാടനം ചെയ്തു. ബിജെപി സര്ക്കാര് സത്യപ്രതിജ്ഞ ചെയ്തു കഴിഞ്ഞാല് കേരളവുമായി ബന്ധപ്പെട്ട ആദ്യ നടപടി വിമാനത്താവള പദ്ധതി ഉപേക്ഷിക്കുകയും മാധവ ഗാഡ്ഗില് റിപ്പോര്ട്ട് നടപ്പാക്കുകയും ആയിരിക്കും എന്ന് ഹരി പറഞ്ഞു. പദ്ധതി ഉപേക്ഷിക്കും വരെ സമരം ചെയ്യുമെന്നും അദ്ദേഹം കൂട്ടിച്ചേര്ത്തു.
ഹിന്ദു ഐക്യവേദി ജില്ലാ വൈസ് പ്രസിഡന്റ് രാജു വെള്ളക്കല് അദ്ധ്യക്ഷത വഹിച്ച യോഗത്തില് ഹിന്ദുഐക്യവേദി നേതാക്കളായ കെ.കെ.തങ്കപ്പന്,മധു കാരാപ്പുഴ, രവീന്ദ്രന് ചങ്ങനാശ്ശേരി, അംബികാ തമ്പി, തപസ്യ സംസ്ഥാനസമിതിയംഗം രവി കുമ്മനം , എന്നിവര് സംസാരിച്ചു. ഹിന്ദു ഐക്യവേദി ഭാരവാഹികളായ ശ്രീകാന്ത് തിരുവഞ്ചൂര്, പ്രകാശ് കുമ്മനം, ആശാ അജികുമാര്, സുമേഷ് കിളിരൂര്, കൃഷ്ണന്കുട്ടി പണിക്കര്, മഹിളാ ഐക്യവേദി ജില്ലാ പ്രസിഡന്റ് ശാന്തമ്മ കേശവന് എന്നിവര് ധര്ണ്ണയ്ക്ക് നേതൃത്വം നല്കി.
പാലാ താലൂക്ക് ഓഫീസിനു മുമ്പില് സംഘടിപ്പിച്ച ധര്ണ്ണയില് ജില്ലാ വര്ക്കിംഗ് പ്രസിഡന്റ് തമ്പി പട്ടശ്ശേരി, ജില്ലാ സെക്രട്ടറി പി.കെ ചന്ദ്രന് എന്നിവര് സംസാരിച്ചു. കാഞ്ഞിരപ്പള്ളിയില് സംസ്ഥാന വൈസ്പ്രസിഡന്റ് പി.ആര്.ശിവരാജന് ധര്ണ്ണ ഉദ്ഘാടനം ചെയ്തു.
