ചങ്ങനാശേരി: വാഴപ്പള്ളി ചിലമ്പൊലി സ്കൂള് ഓഫ് ഡാന്സ് ആന്റ് മ്യൂസിക് വാര്ഷികത്തോടനുബന്ധിച്ച് നടത്തുന്ന ”ചിലമ്പൊലി ഫെസ്റ്റ്-2014” 17,18 തീയതികളില് നടക്കും. 17 ന് രാവിലെ 9 മുതല് നടക്കുന്ന കലാപരിപാടികള് നഗരസഭാ മുന് ചെയര്പേഴ്സണ് ഓമനാജോര്ജ്ജ് ഉദ്ഘാടനം ചെയ്യും നഗരസഭാംഗം ലീലാമ്മദേവസ്യ അധ്യക്ഷത വഹിക്കും 10 മുതല് ചങ്ങനാശേരി ടി. എസ്. സതീഷ്കുമാര് അവതരിപ്പിക്കുന്ന താളം ഒരു വിസ്മയം പഠനകളരി, രണ്ടുമണി മുതല് തിലകം- ചിലമ്പൊലിയിലെ കുട്ടികളും രക്ഷകര്ത്താക്കളും ചേര്ന്നവതരിപ്പിക്കുന്ന പരിപാടി. വൈകിട്ട് 5 ന് രാഗലയതരംഗം. 6.30 മുതല് കഥകളി ഉത്തരാസ്വയംവരം.
രാത്രി 7 ന് പാരീസ് ലക്ഷ്മി അവതരിപ്പിക്കുന്ന നൃത്തപരിപാടി. 18 ന് ഞായറാഴ്ച്ച രണ്ടിന് വര്ണ്ണപ്പൊട്ടുകള്. വൈകിട്ട് 4 ന് ചേരുന്ന വാര്ഷികസമ്മേളനം തിരുവിതാംകൂര് വികസന സമിതി ചെയര്മാന് പി. എസ്. നായര് ഉദ്ഘാടനം ചെയ്യും. ചലച്ചിത്രഗാനരചയിതാവ് ബീയാര് പ്രസാദ് മുഖ്യാതിഥിയായിരിക്കും. ചടങ്ങില് ആര്. എല്. വി. രാമകൃഷ്ണനെ ആദരിക്കും. 6 മണിമുതല് നൃത്തഅരങ്ങേറ്റം. തുടര്ന്ന് പ്രതിഭാ സംഗമം എന്നിവയാണ് പ്രധാന പരിപാടികള്.
പത്രസമ്മേളനത്തില് സമഘാടകസമിതി ഭാരവാഹികളായ തിരുവനന്തപുരം വി. എന്. കുമാര്, ആര്. എല്. വി. ഗായത്രിവിജയകുമാര്, ബി.ബൈജു, എ. വി. പ്രതീഷ്, മുരളീധരന്നായര് എന്നിവര് പങ്കെടുത്തു.
