പള്ളുരുത്തി: മയക്കുമരുന്നു സംഘത്തിന്റെ ആക്രമണത്തില് യുവാവിന് ഗുരുതരപരിക്ക് ഞായറാഴ്ച പുലര്ച്ചെ 12.30യോടെ കുമ്പളങ്ങി സൗത്തിനു സമീപമാണ് സംഭവം. മയക്കുമരുന്നു വില്പ്പനയെ ചോദ്യം ചെയ്ത പാടത്തുപറമ്പ് ഷാജി (45)യെയാണ് ക്രൂരമായ ആക്രമണത്തിന് വിധേയനാക്കിയത്. തലക്കുഗുരുതരമായി പരിക്കേറ്റ ഷാജിയെ ആദ്യം എറണാകുളം ജനറല് ആശുപത്രിയിലും പിന്നീട് കോട്ടയം മെഡിക്കല് കോളേജിലേക്കും മാറ്റുകയായിരുന്നു. കുമ്പളങ്ങി സൗത്തും പരിസരവും ഏറെ നാളുകളായി മയക്കുമരുന്നു സംഘത്തിന്റെ നിയന്ത്രണത്തിലാണ്. ചോദ്യം ചെയ്യുന്നവരെ ആക്രമിച്ചും, ഭീഷണിപ്പെടുത്തിയും ഒരുക്കുകയാണ് പതിവ് കുമ്പളങ്ങിയില് ആഭ്യന്തരമന്ത്രി, പോലീസ് ഔട്ട് പോസ്റ്റ് ഉദ്ഘാടനം ചെയ്ത മണിക്കൂറുകള്ക്കകമാണ് മയക്കുമരുന്നു സംഘം അഴിഞ്ഞാടിയത്.
ആക്രമണത്തില് പരിക്കേറ്റയാളെ ആശുപത്രിയിലെത്തിക്കുകയായിരുന്നു. അക്രമിസംഘത്തില്പെട്ട മദനന്റെ മകന് അഖില് ചന്തു (21), ചെറുവള്ളി സാജന്റെ മകന് ജിതിന് (22) എന്നിവരെ പള്ളുരുത്തി പോലീസ് അറസ്റ്റ് ചെയ്തു. കോടതിയില് ഹാജരാക്കിയ ഇവരെ പിന്നീട് റിമാന്റ് ചെയ്തു. സംഭവത്തില് പ്രതിഷേധിച്ച് യുവമോര്ച്ചയുടേയും, കുമ്പളങ്ങി സൗത്ത് എസ്എന്ഡിപി ശാഖയുടേയും നേതൃത്വത്തില് പ്രതിഷേധ പ്രകടനവും നടത്തി യുവമോര്ച്ച നടത്തിയ പ്രകടനത്തിന് റിനുഹര്ഷന്, വി.ജി.സന്ദീപ് സുരേഷ്, ശ്രീകാന്ത്, വിഷ്ണു ധനേശാര് എന്നിവര് നേതൃത്വം നല്കി
