വൈക്കം: തിരുവൈക്കത്തപ്പന്റെ സന്നിധിയും തിരുനെല്‍വേലി മഠവുമായി അഭേദ്യമായ ബന്ധമാണുള്ളതെന്നും ഈ ബന്ധം കാത്തുസൂക്ഷിക്കാനും ആചാരാനുഷ്ഠാനങ്ങള്‍ കൃത്യതയോടെ നടത്താനും വിശ്വബ്രഹ്മസമാജാംഗങ്ങള്‍ മനസ്സുകൊണ്ടും പ്രാര്‍ത്ഥനകൊണ്ടും ഒരുങ്ങണമെന്നും തിരുവണ്ണാമല ആദിശിവലിംഗാചാര്യ ഗുരുപീഠം മഠാധിപതി ശിവശ്രീ ശിവരാജ സ്വാമി പറഞ്ഞു. വൈക്കത്തഷ്ടമിയോടനുബന്ധിച്ച് തമിഴ്‌വിശ്വബ്രഹ്മസമാജം വൈക്കംക്ഷേത്രത്തില്‍ നടത്തിയ സന്ധ്യവേല അഹസ്സില്‍ പങ്കെടുത്ത് അനുഗ്രഹപ്രഭാണം നടത്തുകയായിരുന്നു അദ്ദേഹം. ചടങ്ങില്‍ സന്ധ്യവേല സ്വാഗതസംഘം ചെയര്‍മാന്‍ ടി. ശിവന്‍, ജനറല്‍ കണ്‍വീനര്‍ ജി. നടരാജന്‍, ട്രഷറര്‍ കെ.സി ധനപാലന്‍, ജനറല്‍ ജോയിന്റ് കണ്‍വീനര്‍ പി.ടി മോഹനന്‍, ജയശങ്കര്‍, ഗിരീഷ്, ഗോവിന്ദന്‍, രാമചന്ദ്രന്‍ എന്നിവര്‍ പങ്കെടുത്തു.
ഉച്ചയ്‌ക്ക് നടന്ന പ്രാതലില്‍ വിവിധ കരകളില്‍ നിന്നെത്തിയ നൂറുകണക്കിന് വിശ്വബ്രഹ്മസമാജം അംഗങ്ങള്‍ പങ്കെടുത്തു. ആയിരംകുടം അഭിഷേകം, ശംഖാഭിഷേകം, ആയിരംകുടം വഴിപാട്, കുടം വഴിപാട്, ബ്രാഹ്മണദക്ഷിണ എന്നിവയും ക്ഷേത്രത്തില്‍ നടത്തി.
