തൃപ്പൂണിത്തുറ: വൃശ്ചികോത്സവത്തോടനുബന്ധിച്ച്‌ തൃപ്പൂണിത്തുറ പൂര്‍ണത്രയീശ ക്ഷേത്രത്തേയും പരിസര പ്രദേശങ്ങളേയും രാത്രികാല പവര്‍കട്ടില്‍നിന്ന്‌ ഒഴിവാക്കണമെന്ന്‌ ആവശ്യപ്പെട്ട്‌ വിശ്വഹിന്ദു പരിഷത്തിന്റെ നേതൃത്വത്തില്‍ ഹൈന്ദവ സംഘടനാ പ്രവര്‍ത്തകര്‍ തൃപ്പൂണിത്തുറ കെഎസ്‌ഇബി എക്സിക്യുട്ടീവ്‌ എഞ്ചിനീയറുടെ ഓഫീസ്‌ ഉപരോധിച്ചു. ആയിരക്കണക്കിന്‌ ഭക്തജനങ്ങള്‍ ദര്‍ശനത്തിനെത്തുന്ന ഉത്സവകാലത്ത്‌ രാത്രികാല പവര്‍കട്ട്‌ വളരെയധികം ബുദ്ധിമുട്ട്‌ ഉണ്ടാക്കുമെന്നതിനാല്‍ ഉചിതമായ നടപടി ഉണ്ടാകണമെന്ന്‌ ആവശ്യപ്പെട്ട്‌ വിഎച്ച്പി കെഎസ്‌ഇബി അധികൃതര്‍ക്ക്‌ നിവേദനം നല്‍കി. വിഎച്ച്പി വിഭാഗ്‌ സെക്രട്ടറി എന്‍.ആര്‍.സുധാകരന്‍, ജില്ലാസെക്രട്ടറി എസ്.സജി, സുധാകരന്‍ കൂടത്തില്‍, എ.ടി.സന്തോഷ്‌, ശ്രീകുമാര്‍ എന്നിവര്‍ പ്രസംഗിച്ചു. ബിജെപി നേതാക്കളായ യു.മധുസൂദനന്‍, കെ.പി.സുബ്രഹ്മണ്യന്‍, ബിഎംഎസ്‌ മേഖലാ സെക്രട്ടറി എം.എസ്.വിനോദ്കുമാര്‍, യുവമോര്‍ച്ച ജില്ലാ പ്രസിഡന്റ്‌ അരുണ്‍കല്ലാത്ത്‌, ഹിന്ദുഐക്യവേദി താലൂക്ക്‌ സെക്രട്ടറി നവീന്‍, കെ.പി.വിശ്വനാഥന്‍, ഹരിവര്‍മ, ശശികുമാര്‍ എന്നിവര്‍ ഉപരോധ സമരത്തിന്‌ നേതൃത്വം നല്‍കി.
കെഎസ്‌ഇബി ഓഫീസ്‌ ഉപരോധിച്ചു
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
ജന്മഭൂമി ഓണ്‍ലൈന്‍© Mathruka Pracharanalayam Limited.
Tech-enabled by Ananthapuri Technologies.