തിരുവനന്തപുരം:വഖഫ് ബോര്‍ഡില്‍ അംഗത്വം ലഭിക്കാതിരുന്നതിനെ ചൊല്ലി ഇടഞ്ഞ എ പി വിഭാഗത്തെ അനുനയിപ്പിച്ചു.എ പി വിഭാഗത്തെ വഖഫ് ബോര്‍ഡില്‍ ഉള്‍പ്പെടുത്തും.
വഖഫ് മന്ത്രി കാന്തപുരം എ പി അബൂബക്കര്‍ മുസല്യാരുമായി കൂടിക്കാഴ്ച നടത്തും. മുഖ്യമന്ത്രിയും കുഞ്ഞാലിക്കുട്ടിയും ചേര്‍ന്നാണ് അനുനയ നീക്കം നടത്തിയത്. പൊന്നാനി എംഎല്‍എ നൗഷാദ് അലിയും ചര്‍ച്ചയില്‍ ഇടപെട്ടു.
ഹജ് കമ്മിറ്റി ചെയര്‍മാന്‍ സ്ഥാനം നിലവിലെ കാന്തപുരം വിഭാഗത്തില്‍നിന്നുള്ള ഹുസൈന്‍ സഖാഫി ചുള്ളിക്കോട് ഒഴിയും. എപി വിഭാഗം പറയുന്ന ആള്‍ക്ക് വഖഫില്‍ അംഗത്വം നല്‍കും. നിലവില്‍ പ്രഖ്യാപിച്ച ബോര്‍ഡില്‍ മാറ്റങ്ങള്‍ വരുമെന്ന് പറഞ്ഞ മന്ത്രി എന്‍ ഷംസുദ്ദീന്‍ എല്ലാവരെയും ചേര്‍ത്ത് നിര്‍ത്തുമെന്നും വ്യക്തമാക്കി.
