ഇസ്ലാമാബാദ്: ബ്രിക്സ് ഉച്ചകോടിയിൽ പങ്കെടുക്കാൻ ഇറാൻ പ്രസിഡന്റ് മസൂദ് പെഷേഷ്കിയാൻ ദൽഹി സന്ദർശിക്കുന്നതിന് മുമ്പ് തന്നെ പാകിസ്ഥാനികൾ പരിഭ്രാന്തിയിലായിരുന്നു. എന്നാൽ ഇപ്പോൾ അദ്ദേഹം ഒരു ഹിന്ദു മതനേതാവിന്റെ കാലിൽ തൊടുന്നത് കണ്ട് പാകിസ്ഥാനികൾക്ക് വിറളി പിടിച്ചുവെന്ന് വേണം പറയുവാൻ. പാകിസ്ഥാനികൾ രോഷാകുലരാണ്, ഇറാൻ പ്രസിഡന്റിനെക്കുറിച്ച് വിഷലിപ്തമായ പ്രസ്താവനകൾ നടത്തുകയാണ്. ഇറാൻ പ്രസിഡന്റ് ഹിന്ദു മതനേതാവ് സതിഷാചാര്യ ജി മഹാരാജിന്റെ കാലിൽ തൊടുന്ന ദൃശ്യങ്ങൾ സോഷ്യൽ മീഡിയയിൽ പ്രചരിക്കുന്നുണ്ട്.
വീഡിയോയിൽ ഇറാനിയൻ പ്രസിഡന്റ് കുമ്പിടുകയാണ്, പക്ഷേ അദ്ദേഹം യഥാർത്ഥത്തിൽ അദ്ദേഹത്തിന്റെ കാൽക്കൽ വണങ്ങുകയാണോ എന്ന് വ്യക്തമല്ല. അവിടെയുണ്ടായിരുന്ന ആളുകളുടെ ആംഗ്യങ്ങൾ മറിച്ചാണ് സൂചിപ്പിക്കുന്നത്. എന്നിരുന്നാലും പരമ്പരാഗത ഇന്ത്യൻ ശൈലിയിൽ ഇറാനിയൻ പ്രസിഡന്റ് ഒരു ഹിന്ദു മതനേതാവിന്റെ കാൽക്കൽ വണങ്ങുന്ന വീഡിയോ സോഷ്യൽ മീഡിയയിൽ കാട്ടുതീ പോലെ പടർന്നു.
സാംസ്കാരിക ഐക്യത്തിന്റെയും പൊതുവായ മാനുഷിക മൂല്യങ്ങളുടെയും പ്രതീകമായി ഇന്ത്യയിൽ ഈ ആംഗ്യം വാഴ്‌ത്തപ്പെടുമ്പോൾ, പാകിസ്ഥാൻ സോഷ്യൽ മീഡിയ ഉപയോക്താക്കളും മതമൗലികവാദികളും രോഷാകുലരാണ്. പാകിസ്ഥാൻ ട്രോളുകൾ ഇപ്പോൾ ഇറാനിയൻ പ്രസിഡന്റിനെ ലക്ഷ്യം വച്ചാണ്.
ഇറാൻ പ്രസിഡന്റിനെതിരെ വിഷം വമിപ്പിച്ച് പാകിസ്ഥാൻ
ഇന്ത്യയ്‌ക്കെതിരായ കടുത്ത വാചാടോപങ്ങൾക്ക് കുപ്രസിദ്ധനായ പാകിസ്ഥാൻ പത്രപ്രവർത്തകൻ ഇഷ്തിയാഖ് അഹമ്മദ് ഇറാൻ പ്രസിഡന്റിനെതിരെ രൂക്ഷമായ പരാമർശം നടത്തി. “മതനേതാവിൽ നിന്ന് മതനേതാവിലേക്ക്, സാഷ്ടാംഗം പ്രണമിച്ചതിൽ നിന്ന് വിശുദ്ധനിലേക്ക്, പക്ഷേ ഇറാൻ ഇസ്ലാമാണ്. എന്നിട്ട് നിങ്ങൾ പറയുന്നു ഈ കപടവിശ്വാസികളെ വിശ്വസിക്കൂ എന്ന്.” – ഇഷ്തിയാഖ് അഹമ്മദ് പറഞ്ഞു.
ദൽഹിയിൽ നടന്ന ഒരു പരിപാടിയിൽ വച്ചാണ് ഹിന്ദു മതനേതാവ് സതിഷാചാര്യ ജി മഹാരാജും ഇറാൻ പ്രസിഡന്റ് മസൂദ് പെഷേഷ്കിയാനും കണ്ടുമുട്ടിയത്. പരിപാടിയിൽ ഇറാനിയൻ പ്രതിനിധി സംഘത്തിലെ നിരവധി അംഗങ്ങളും പങ്കെടുത്തിരുന്നു.
അതേ സമയം പതിനെട്ടാമത് ബ്രിക്സ് ഉച്ചകോടിക്കിടെ, പ്രസിഡന്റായി ആദ്യമായി ഇന്ത്യ സന്ദർശിച്ച വേളയിൽ മസൂദ് പെഷേഷ്കിയാൻ പ്രധാനമന്ത്രി നരേന്ദ്ര മോദിയുമായി ഉഭയകക്ഷി ബന്ധങ്ങൾ, ചാബഹാർ തുറമുഖം, പ്രാദേശിക സ്ഥിരത എന്നിവയെക്കുറിച്ച് ചർച്ച ചെയ്തു, പ്രസിഡന്റ് ദ്രൗപതി മുർമുവുമായുള്ള കൂടിക്കാഴ്ചയിൽ സംഭാഷണത്തിനും സാംസ്കാരിക ബന്ധങ്ങൾക്കും അദ്ദേഹം ഊന്നൽ നൽകിയിരുന്നു.
