കൊച്ചി: സംസ്ഥാനത്ത് ഊര്ജ പ്രതിസന്ധിയുണ്ടെന്ന് മുഖ്യമന്ത്രി വി ഡി സതീശന്. പ്രതിസന്ധിക്ക് കാരണമുണ്ട്.എന്നാല് സമഗ്ര വൈദ്യുതി പദ്ധതി മുന്നോട്ടുവെച്ച് പ്രതിസന്ധി കൈകാര്യം ചെയ്യാനും ശാശ്വതമായ പരിഹാരമുണ്ടാക്കാനും കഴിയുമെന്ന് അദ്ദേഹം പറഞ്ഞു.
പ്രശ്നപരിഹാരത്തിന് ഇതൊരു അവസരമായി കാണുന്നു.നിലവില് ജലവൈദ്യുത പദ്ധതി സാധ്യമല്ല. അതിനാല് പാരമ്പര്യേതര ഊര്ജ സ്രോതസ് കണ്ടെത്തേണ്ടതുണ്ട്. കേരളത്തില് കഴിഞ്ഞ വര്ഷത്തേക്കാള് വൈദ്യുതിക്ക് ആവശ്യകത കൂടിയതാണ് ആദ്യ പ്രശ്നം, മറ്റെല്ലാം രണ്ടാമതാണ്. വാങ്ങാന് ഇന്ത്യയില് എവിടെയും വൈദ്യുതി ലഭ്യമല്ലെന്നും അദ്ദേഹം വ്യക്തമാക്കി. കൊച്ചിയില് കെഎസ്ഇബി സംഘടിപ്പിച്ച എക്സ്പോയില് സംസാരിക്കുകയായിരുന്നു മുഖ്യമന്ത്രി.
പുനരുപയോഗ ഊര്ജം എന്ന് പറയുമ്പോള് കെഎസ്ഇബിയിലെ ചിലര്ക്ക് ചൊറിച്ചിലാണ്. പ്രശ്നം വഷളാകട്ടെ എന്ന് കരുതി ചിലയിടത്ത് അനാവശ്യമായി നാലും അഞ്ചും തവണയൊക്കെ വൈദ്യുതി ഓഫ് ചെയ്യുന്നു. ഒക്ടോബറില് വരുന്ന പുതിയ വൈദ്യുതി നയത്തില് സൗരോര്ജത്തിന് പ്രധാന സ്ഥാനം നല്കും. പുതിയ വൈദ്യുതി നിയന്ത്രണ നയം ഈ മാസം തന്നെ വരും. ഉത്തരവാദിത്തം ആരുടേയും തലയില് വയ്ക്കുന്നില്ലെന്നും ഞങ്ങള് ഏറ്റെടുക്കുന്നുവെന്നും മുഖ്യമന്ത്രി പറഞ്ഞു. ചില ഉദ്യോഗസ്ഥര്ക്ക് കുളം കലക്കി മീന് പിടിക്കുക എന്ന ഏര്പ്പാടാണെന്നും വൈദ്യുതി രംഗത്ത് സ്വയംപര്യാപ്തതയാണ് മാര്ഗമെന്നും മുഖ്യമന്ത്രി പറഞ്ഞു.
