തിരുവനന്തപുരം:മുഖ്യമന്ത്രിയെ വഴിയില് തടയുകയും അപമര്യാദയായി പെരുമാറുകയും ചെയ്ത ഡിസിസി മുന് അംഗം ചേന്തി അനിലിന് ഉപാധികളോടെ ജാമ്യം അനുവദിച്ച് കോടതി.കസ്റ്റഡിയില് വിട്ട സമയം കഴിഞ്ഞതിന് പിന്നാലെയാണ് ജാമ്യം നല്കിയത്.
ബിഎന്എസ് 61(2) വകുപ്പ് പ്രകാരം ഗൂഢാലോചന കുറ്റമാണ് ചേന്തി അനിലിനെതിരെ ചുമത്തിയത്. ഇയാളുടെ മൊബൈല് ഫോണും പൊലീസ് കസ്റ്റഡിയില് എടുത്തിരുന്നു.
ക്രിമിനല് പശ്ചാത്തലമുള്ളയാളാണ് പരിപാടി നടത്തുന്നതെന്ന് പാര്ട്ടി പ്രവര്ത്തകര് പറഞ്ഞിരുന്നെന്നാണ് മുഖ്യമന്ത്രി വി ഡി സതീശന് ഇന്ന് പറഞ്ഞത്. പൊലീസ് റിപ്പോര്ട്ടും ഉണ്ടായിരുന്നതിനാല് രണ്ടാഴ്ച മുമ്പ് തന്നെ പരിപാടിയില് പങ്കെടുക്കില്ലെന്ന് അറിയിച്ചിരുന്നു. ചെമ്പഴന്തിയിലേയ്ക്ക് പോകുന്ന വഴിയ്ക്ക് പാര്ട്ടി പ്രവര്ത്തകരും നേതാക്കളും നില്ക്കുന്നത് കണ്ടപ്പോള് ഇറങ്ങിയതാണ്. ആരും തന്നെ തടഞ്ഞതല്ലെന്നും മുഖ്യമന്ത്രി പറഞ്ഞു.
ചേന്തിയിലെ പരിപാടിയില് പങ്കെടുക്കാതെ ഗുരു ജയന്തി ആഘോഷത്തില് പങ്കെടുക്കാന് മുഖ്യമന്ത്രി ചെമ്പഴന്തിയിലേക്ക് പോകാന് തുടങ്ങിയതാണ് തര്ക്കത്തിന് കാരണം. മുഖ്യമന്ത്രി വാഹനത്തില് നിന്ന് ഇറങ്ങിയപ്പോള് ചേന്തി അനിലുമായി വാക്ക് തര്ക്കം ഉണ്ടാകുന്ന ദൃശ്യങ്ങള് പുറത്തുവന്നിരുന്നു.
