തിരുവനന്തപുരം: പ്രായപൂര്ത്തിയാകാത്ത മദ്രസ വിദ്യാര്ഥിനിക്ക് നേരെ ലൈംഗികാതിക്രമം നടത്തിയ കേസില് മദ്രസ അധ്യാപകനെ വട്ടപ്പാറ പൊലിസ് പിടികൂടി.കന്യാകുളങ്ങരയില് നടന്ന സംഭവത്തില് കന്യാകുളങ്ങര സ്വദേശി നജീം(52) ആണ് പിടിയിലായത്.
പ്രതിയുടെ ലൈംഗികാതിക്രമം ഭയന്ന് പെണ്കുട്ടി മദ്രസയില് പോകാന് വിസമ്മതിച്ചിരുന്നു.എന്നാല് കുട്ടിയെ കഴിഞ്ഞ ദിവസം വീട്ടുകാര് നിര്ബന്ധിച്ച് മദ്രസയില് അയച്ചു.
പിന്നാലെ കരഞ്ഞുകൊണ്ട് വീട്ടിലേക്ക് വന്ന കുട്ടി രക്ഷിതാക്കളോട് വിവരം പറഞ്ഞു. വീട്ടുകാര് വട്ടപ്പാറ പൊലിസില് വിവരം നല്കി. പ്രതി നിരന്തരം ലൈംഗികാതിക്രമം നടത്തിയിരുന്നതായി കുട്ടി മൊഴി നല്കി.
കുട്ടി ലൈംഗികാതിക്രമത്തിന് ഇരയായതായി പൊലിസ് അന്വേഷണത്തില് കണ്ടെത്തിയിട്ടുണ്ട്. പ്രതിയെ കോടതിയില് ഹാജരാക്കി റിമാന്ഡ് ചെയ്തു.
