ന്യൂദല്ഹി: ജന്മഭൂമി സംഘടിപ്പിക്കുന്ന ‘വണ് എപിക്, മെനി സ്റ്റോറീസ്: രാമകഥ എക്രോസ് ഭാരത് ആന്ഡ് ബിയോണ്ഡ്’ ത്രിദിന ദേശീയ കോണ്ക്ലേവ് ഭാഗമായി വിവിധ മത്സര- സംവാദങ്ങള് സംഘടിപ്പിക്കും. രാമകഥാ പാരമ്പര്യവും സാംസ്കാരിക പൈതൃകവും പുതിയ തലമുറയിലെത്തിക്കാന് വിദ്യാര്ത്ഥികള്ക്കും ഗവേഷകര്ക്കും യുവാക്കള്ക്കും പൊതുജനങ്ങള്ക്കും പങ്കെടുക്കാവുന്ന 10 പരിപാടികളാണുള്ളത്.
ശാസ്താര്ത്ഥ (Scholarly Dialogue), ക്വിസ്, രാമകഥ ട്രെയില് ക്യാമ്പസ് ട്രഷര് ഹണ്ട്, ഡിസൈന് ചലഞ്ച്, എഐ ആന്ഡ് ഡിജിറ്റല് ഹെറിറ്റേജ് ലാബ്, കേസ് സ്റ്റഡി മത്സരം, രാമായണ ടൂറിസം ഐഡിയത്തോണ്, ലീഡര്ഷിപ്പ് ഡയലോഗ്, പോസ്റ്റര് പ്രസന്റേഷന് ആന്ഡ് എക്സിബിഷന്, ഷോര്ട്ട് ഫിലിം/ഡോക്യുമെന്ററി മത്സരം, രാമായണ ഹെറിറ്റേജ് ഫോട്ടോഗ്രഫി ആന്ഡ് റീല് മത്സരം എന്നിവ. രാമായണാഖ്യാനങ്ങള്, കലാ- സാംസ്കാരിക പാരമ്പര്യങ്ങള്, പൈതൃകം, സാങ്കേതികവിദ്യ, ടൂറിസം, സര്ഗാത്മകത എന്നിവ സമന്വയിപ്പിക്കുന്ന തരത്തിലാണ് പരിപാടികള്. രജിസ്ട്രേഷനും വിശദമായ മാര്ഗ നിര്ദേശങ്ങള്ക്കും www. Janmabhumi.in സന്ദര്ശിക്കുക. കൊച്ചി ഭാസ്കരീയം കണ്വന്ഷന് സെന്ററില് സപ്തംബര് 18 മുതല് 20 വരെയുള്ള കോണ്ക്ലേവ് 18ന് പ്രതിരോധ മന്ത്രി രാജ്നാഥ് സിങ് ഉദ്ഘാടനം ചെയ്യും.
രാമകഥാ കോണ്ക്ളേവിന്റെ സംഘാടകസമിതി ഓഫീസ് ഉദ്ഘാടനം ഇന്ന് രാവിലെ 10 മണിക്ക് ജന്മഭൂമി കൊച്ചി യൂണിറ്റില് നടക്കും.
