തിരുവനന്തപുരം: ബിജെപി സംസ്ഥാന അധ്യക്ഷന് രാജീവ് ചന്ദ്രശേഖറിന്റെ നിര്ദ്ദേശപ്രകാരം സംസ്ഥാന ജനറല് സെക്രട്ടറി അഡ്വ എസ് സുരേഷിന്റെ നേതൃത്വത്തിലുള്ള പ്രതിനിധി സംഘം സംസ്ഥാന പൊലീസ് മേധാവി റവാഡ ചന്ദ്രശേഖറെ സന്ദര്ശിച്ചു.പൊലീസ് ആസ്ഥാനത്തെത്തിയാണ് നേതാക്കള് കൂടിക്കാഴ്ച നടത്തിയത്.
സോഷ്യല് മീഡിയയിലൂടെ പ്രധാനമന്ത്രിയെ അവഹേളിച്ചതുമായി ബന്ധപ്പെട്ട കേസുകളുടെ നിലവിലെ സ്ഥിതിയും, തുടര്നടപടികളും സംഘം ചര്ച്ച ചെയ്തു. ഇത്തരം സംഭവങ്ങളില് ഉടന് കര്ശന നടപടിയുണ്ടാകണമെന്നും, നിലവില് രജിസ്റ്റര് ചെയ്ത കേസുകളില് അന്വേഷണ നടപടികള് വേഗത്തിലാക്കണമെന്നും, പരാതി നല്കിയിട്ടും ഇതുവരെ കേസ് രജിസ്റ്റര് ചെയ്യാത്ത സംഭവങ്ങളില് എത്രയും പെട്ടെന്ന് എഫ് ഐ ആര് രജിസ്റ്റര് ചെയ്ത് തുടര്നടപടികള് സ്വീകരിക്കണമെന്നും ബിജെപി സംസ്ഥാന സെക്രട്ടറിമാരായ ജെ ആര് പത്മകുമാര്,പൂന്തുറ ശ്രീകുമാര്, സംസ്ഥാന സോഷ്യല് മീഡിയ കണ്വീനര് അഭിജിത് ആര് നായര് എന്നിവരടങ്ങുന്ന പ്രതിനിധി സംഘം ഡിജിപിയോട് ആവശ്യപ്പെട്ടു.
