മലപ്പുറം: രാജ്യത്തിന്റെ അടുത്ത പ്രധാനമന്ത്രി രാഹുല്ഗാന്ധി തന്നെ! വേണമെങ്കില് എഴുതിവെച്ചോളുവെന്ന് പ്രഖ്യാപിച്ച് എഐസിസി ജനറല് സെക്രട്ടറി കെ സി വേണുഗോപാല് മലപ്പുറത്ത് പ്രഖ്യാപിച്ചു.ജില്ലയിൽ വിജയിച്ച കോൺഗ്രസ് എംഎൽഎമാർക്ക് ഡിസിസി ഒരുക്കിയ സ്വീകരണച്ചടങ്ങ് ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
സിപിഎം ഇനി രക്ഷപ്പെടുമെന്ന് തോന്നുന്നില്ലെന്നും, നിയമസഭാ തോൽവിയിൽ നിന്ന് ഒരു പാഠവും പഠിക്കാൻ അവർ തയ്യാറാകുന്നില്ലെന്നും അദ്ദേഹം വിമർശിച്ചു. കൂടുതൽ അപകടത്തിലേക്കും ആശയക്കുഴപ്പത്തിലേക്കുമാണ് സിപിഎം പോയിക്കൊണ്ടിരിക്കുന്നത്. അതേസമയം, മൂന്ന് മാസത്തെ യുഡിഎഫ് ഭരണത്തിലൂടെ വികസനത്തിന്റെയും കരുതലിന്റെയും വലിയ മാറ്റമാണ് കേരളത്തിലെ ജനങ്ങൾ അനുഭവിച്ചുകൊണ്ടിരിക്കുന്നതെന്നും അദ്ദേഹം കൂട്ടിച്ചേർത്തു.
