2012ല് ദിലീപ് നായകനായ മിസ്റ്റര് മരുമകനില് അഭിനയിച്ച നടി ഖുശ്ബു 14 വർഷത്തിനുശേഷം വീണ്ടും മലയാളം സിനിമയില് അഭിനയിക്കാനെത്തുന്നു. സാദത്ത് സൈനുദ്ദീൻ സംവിധാനം ചെയ്യുന്ന ചിത്രത്തില് പ്രധാന കഥാപാത്രത്തെ അവതരിപ്പിച്ചാണ് മടങ്ങിവരവ്.
1991ല് ആണ് ഖുശ്ബു ആദ്യമായി മലയാളത്തിലേക്ക് എത്തുന്നത്. മോഹൻലാല് നായകനായി ഭദ്രൻ സംവിധാനം ചെയ്ത അങ്കിള്ബണ് ആയിരുന്നു അരങ്ങേറ്റ ചിത്രം. ദിലീപ് – നാദിർഷ – ഇന്ദ്രൻസ് കൂട്ടുകെട്ടില് പുറത്തിറങ്ങിയ മാനത്തെ കൊട്ടാരത്തിലൂടെ മലയാളത്തിലും ശ്രദ്ധനേടി.
ചന്ദ്രോത്സവം, കൈയൊപ്പ്, പ്രാഞ്ചിയേട്ടൻ ആന്റ് ദ സെയ്ന്റ് എന്നിവയാണ് മറ്റു ശ്രദ്ധേയ ചിത്രങ്ങള്.
ഖുശ്ബുവിന്റെ മകള് അവന്തിക സുന്ദർ നായികയായി അരങ്ങേറ്റം കുറിക്കുന്നത് ആരംഭം എന്ന മലയാള ചിത്രത്തിലൂടെയാണ്. സാദത്ത് സൈനുദ്ദീൻ സംവിധാനം ചെയ്യുന്ന ചിത്രത്തില് എം.എ നിഷാദ്, ഷഹീൻ സിദ്ദിഖ്,മഞ്ജു സുഭാഷ് തുടങ്ങി നീണ്ട താരനിരയുണ്ട്. ചിത്രീകരണത്തിനിടെ എം.എ നിഷാദിന് പരിക്കേറ്റിരുന്നു.
