മുംബൈ: രാജ്യത്തെ മുഴുവൻ ജെന് സീയേയും ഞാൻ ‘ഓടപ്പിള്ളേര്’ (gutterchap) എന്ന് വിളിച്ചിട്ടില്ല, ഞാന് വിളിച്ചത് സമരത്തിനെത്തിയവരെ മാത്രമാണെന്നും നടിയും ബിജെപി എംപിയുമായ കങ്കണ റണാവത്ത്.
ഇന്ത്യയിലെ ജെന് സീ പിള്ളേരുടെ ജനസംഖ്യ ഏകദേശം 30–35 കോടി വരും. പക്ഷേ ജന്തർ മന്തറിൽ തടിച്ചുകൂടിയത് ഏകദേശം 10,000 പേരാണ്. ഇതില് തന്നെ ഏകദേശം 2,000 പേർ മാത്രമേ ജെന് സീ ഉണ്ടായിരുന്നുള്ളൂ. ബാക്കി ജനക്കൂട്ടത്തിൽ പകുതിയിലധികം പേരും ഷബാന ആസ്മി പോലുള്ളവരായിരുന്നു.- കങ്കണ പരിഹസിച്ചു.
അതിനാൽ എനിക്കെതിരെ ഒരു അജണ്ടയും ഉണ്ടാക്കി നശിപ്പിക്കാന് വരരുത്. നിങ്ങള്ക്ക് അതിന് കഴിയില്ല. അത് നടക്കില്ല. കാരണം ഞാൻ തന്നെ ഒരു ജെന് സീ ആണ്. അത് 56 വയസ്സുള്ള രാഹുല് ഗാന്ധി സ്വയം ജെന് സീ എന്ന് വിളിക്കുന്നത് പോലെയല്ലെന്നും കങ്കണ പറഞ്ഞു.
