കല്‍പ്പറ്റ: കേരളത്തിലെ യുഡിഎഫ് സര്‍ക്കാര്‍ ഭീകരവാദികള്‍ക്ക് ഒത്താശ ചെയ്യുകയാണെന്ന് വി. മുരളീധരന്‍ എംഎല്‍എ. ബിജെപി വയനാട് ജില്ലാ കമ്മിറ്റിയുടെ നേതൃത്വത്തില്‍ കല്‍പ്പറ്റയില്‍ നടന്ന തിരംഗ യാത്ര ഉദ്ഘാടനം ചെയ്യുകയായിരുന്നു അദ്ദേഹം. രാജ്യത്തിന്റെ ഐക്യത്തെയും അഖണ്ഡതയെയും തകര്‍ക്കാന്‍ ശ്രമിക്കുന്നവര്‍ക്ക് പലരും രാജ്യത്തിന്റെ പലഭാഗങ്ങളില്‍ നിന്നും ഒത്താശ ചെയ്തു കൊടുക്കുന്നത് അങ്ങേയറ്റം അപലപനീയമാണ്.
സ്വാതന്ത്ര്യദിനാഘോഷങ്ങളുടെ ഭാഗമായി രാജ്യത്തിന്റെ ഐക്യവും അഖണ്ഡതയും കാത്തുസൂക്ഷിക്കുമെന്ന പ്രതിജ്ഞ പുതുക്കാനാണ് തിരംഗ യാത്ര പോലുള്ള ആഘോഷങ്ങള്‍ സംഘടിപ്പിക്കുന്നത്. പ്രധാനമന്ത്രി നരേന്ദ്ര മോദിയുടെ ആഹ്വാനപ്രകാരം എല്ലാ വീടുകളിലും ദേശീയപതാക ഉയര്‍ത്തുകയും, ദേശീയപതാകകളുമായി തിരംഗ യാത്രകള്‍ നടത്തുകയും ചെയ്യുന്നത് ഈ ലക്ഷ്യത്തോടെയാണ്. രാജ്യത്തിന്റെ സുരക്ഷക്കും കെട്ടുറപ്പിനും ഭീഷണിയാകുന്ന ഭീകരവാദ ശക്തികള്‍ക്ക് സംസ്ഥാന സര്‍ക്കാര്‍ സഹായം നല്‍കുന്ന സാഹചര്യം ജനങ്ങള്‍ തിരിച്ചറിയണമെന്നും അദ്ദേഹം കൂട്ടിച്ചേര്‍ത്തു.
ബിജെപി ജില്ലാ പ്രസിഡന്റ് പ്രശാന്ത് മലവയല്‍, എസ്ടി മോര്‍ച്ച സംസ്ഥാന പ്രസിഡന്റ് പള്ളിയറ മുകുന്ദന്‍, സംസ്ഥാന സമിതി അംഗങ്ങളായ എം. ശാന്തകുമായി, പി.ജി. ആനന്ദകുമാര്‍, ജില്ലാ ജനറല്‍ സെക്രട്ടറിമാരായ ടി.എം. സുബീഷ്, എം.പി. സുകുമാരന്‍, വില്‍ഫ്രഡ് ജോസ് എന്നിവര്‍ സംസാരിച്ചു.
