ന്യൂഡൽഹി : താനടക്കമുള്ള കോൺഗ്രസുകാരുടെ മുന്നിൽ നിൽക്കാൻ ഭരണപക്ഷത്തുള്ള ആർക്കും ധൈര്യമില്ലെന്ന് പ്രതിപക്ഷനേതാവ് രാഹുൽ ഗാന്ധി . “പൊതു വിഷയങ്ങളിൽ പ്രസംഗിക്കാൻ അമിത് ഷാ പാർലമെന്റിൽ വരുമോ എന്നതല്ല ചോദ്യം. ഡൽഹിയിൽ നമ്മുടെ യുവാക്കൾക്ക് നേരെ വെടിയുതിർക്കാൻ ആരാണ് ഉത്തരവിട്ടതെന്ന് അമിത് ഷാ വ്യക്തമാക്കണം
പെല്ലറ്റ് തോക്കുകൾ പ്രയോഗിച്ചു, ആണി പതിച്ച ലാത്തികൾ ഉപയോഗിച്ച് വിദ്യാർത്ഥികളെ മർദ്ദിച്ചു. അദ്ദേഹം വ്യക്തമായി പറയേണ്ടതുണ്ട്. അദ്ദേഹം ഇത് ഉത്തരവിട്ടോ ഇല്ലയോ? വിദ്യാർത്ഥികൾക്ക് നേരെയുണ്ടായ ആക്രമണങ്ങൾക്ക് പ്രധാനമന്ത്രി മോദിയും മാപ്പ് പറയണം.കെട്ടിച്ചമച്ച കഥകളിൽ ഞങ്ങൾക്ക് താൽപ്പര്യമില്ല. കഴിഞ്ഞ 15 ദിവസമായി ഞങ്ങൾ ഇത് ആവശ്യപ്പെടുന്നു. എന്റെ ചോദ്യങ്ങൾക്ക് ഉത്തരം തരാൻ ആരുമില്ല .
അമിത് ഷായ്ക്ക് പാർലമെന്റിൽ വന്ന് ഞങ്ങളുടെ മുന്നിൽ നിൽക്കാൻ ധൈര്യമില്ല. പ്രധാനമന്ത്രി മോദിക്കോ അമിത് ഷായ്ക്കോ ആ ധൈര്യമില്ല. വെടിവയ്പ്പിന് ആരാണ് ഉത്തരവിട്ടതെന്ന് ഞങ്ങൾക്ക് അറിയണം‘ എന്നാണ് രാഹുൽ പറയുന്നത് .
