കൊച്ചി: ഭാരതത്തിലെ യുഎസ് സ്ഥാനപതി സെര്ജിയോ ഗോറുമായി മുഖ്യമന്ത്രി വി ഡി സതീശന് കൂടിക്കാഴ്ച നടത്തി. കൊച്ചിയിലെ സ്വകാര്യ ഹോട്ടലില് വച്ച് നടന്ന കൂടിക്കാഴ്ചയില് വ്യവസായ വകുപ്പ് മന്ത്രി പി. കെ. കുഞ്ഞാലിക്കുട്ടി, ചീഫ് സെക്രട്ടറി സംസ്ഥാന സര്ക്കാരിലെ മറ്റ് ഉന്നത ഉദ്യോഗസ്ഥര് എന്നിവര് പങ്കെടുത്തു. കേരളവും അമേരിക്കയും തമ്മില് പരസ്പര താല്പര്യമുള്ള മേഖലകളില് സഹകരണം ശക്തിപ്പെടുത്തും.
വിനോദസഞ്ചാരം, ഉന്നത വിദ്യാഭ്യാസം, നിക്ഷേപം, സമുദ്ര വികസനം,സംസ്കാരം തുടങ്ങിയ മേഖലകളിലെ സഹകരണ സാധ്യതകള് ചര്ച്ചയായി.കേരളത്തിലെയും അമേരിക്കയിലെയും നഗരങ്ങള് തമ്മില് ‘സിസ്റ്റര് സിറ്റീസ്’ പങ്കാളിത്തം സ്ഥാപിക്കുന്നതിനും സാധ്യതകള് ആരായും..
വിഴിഞ്ഞം തുറമുഖം, കൊച്ചി തുറമുഖം എന്നിവയുമായി ബന്ധപ്പെട്ട സമുദ്ര ലോജിസ്റ്റിക്സ്, കപ്പല് നിര്മാണം, കപ്പല് അറ്റകുറ്റപ്പണി, ഗ്രീന് ബങ്കറിംഗ് തുടങ്ങിയ രംഗങ്ങളിലെ നിക്ഷേപ സാധ്യതകളും ചര്ച്ച ചെയ്തു. അമേരിക്കന് സ്ഥാനപതിയുമായി കൂടിക്കാഴ്ച നടത്തിയ ഹോട്ടലില് പ്രസിഡന്റ് ഡൊണാള്ഡ് ട്രംപിന്റെ മരുമകന് മൈക്കിള് ബൂലോസും ഉണ്ടായിരുന്നു. മൈക്കല് ബൂലോസും യു എസ് സ്ഥാനപതി സെര്ജിയോ ഗോറും ആലപ്പുഴയില് വഞ്ചിവീട്ടില് സഞ്ചരിച്ച് കായല്സൗന്ദര്യവും ആസ്വദിച്ചു.
