തിരുവനന്തപുരം: കോര്പ്പറേഷനിലെ ബി ജെ പി ഭരണം അട്ടിമറിക്കാന് കൂട്ടുനില്ക്കാതെ നിയമാനുസൃതം പ്രവര്ത്തിച്ച തദ്ദേശ വകുപ്പ് അണ്ടര് സെക്രട്ടറി ഡോ ചിത്ര പി അരുണിമയെ സസ്പന്ഡ് ചെയ്തു.
കാപ്പാക്കേസില് കുടുക്കി ജയിലിലാക്കിയ തിരുവനന്തപുരം കോര്പ്പറേഷനിലെ വാഴോട്ടുകോണം കൗണ്സിലര് സുഗതന്റെ അവധി അപേക്ഷ പരിഗണിക്കുന്നതിന് കത്ത് നല്കിയതിനാണ് നടപടി.
സുഗതന് അവധി അനുവദിക്കാന് കോര്പ്പറേഷന് കൗണ്സില് വോട്ടിനിട്ട് പാസാക്കണമെന്നാണ് സര്ക്കാരിന്റെ ഭാഗത്ത് നിന്നുളള കത്തില് പറഞ്ഞിരുന്നത്.ഇതു പ്രകാരം മേയര് വി വി രാജേഷ് നടപടി സ്വീകരിച്ച് ഭൂരിപക്ഷ വോട്ടോടെ സുഗതന് അവധി അനുവദിക്കുകയായിരുന്നു.
എന്നാല് ആഭ്യന്തര വകുപ്പിന്റെ ഈ കത്തിനെതിരെ കോര്പ്പറേഷനിലെ കോണ്ഗ്രസ് , സി പി എം കൗണ്സിലര്മാരും നേതാക്കളും രംഗത്തു വന്നു. ഇതോടെ ഉദ്യോഗസ്ഥയുടെ വീഴ്ച എന്ന് കാട്ടി തലയൂരാനാണ് സര്ക്കാര് നീക്കം.ആദ്യമായാണ് ഒരു കെ എ എസ് ഉദ്യോഗസ്ഥയെ സസ്പന്ഡ് ചെയ്യുന്നത്.
ജയില് സൂപ്രണ്ട് മുഖേന മേയര് വി.വി.രാജേഷിനാണ് സുഗതന് കത്ത് നല്കിയത്. ഇങ്ങനെ കത്ത് നല്കിയ വിവരം സൂപ്രണ്ട് ആഭ്യന്തരവകുപ്പിനെ അറിയിച്ചു.തദ്ദേശവകുപ്പില് അയച്ച കത്ത് കുറിപ്പ് സഹിതം ആഭ്യന്തര വകുപ്പിന് മടക്കി.ഇതാണ് കോര്പ്പറേഷന് കൈമാറിയത്.
