കൊച്ചി: മൂന്ന് ഹിറ്റുകള് സമ്മാനിച്ച നല് നടന്മാരുടെ കൂട്ടുകെട്ട് 16 വർഷങ്ങള്ക്ക് ശേഷം വീണ്ടും ഒന്നിയ്ക്കുന്നു. ജഗദീഷ്, മുകേഷ്, സിദ്ദിഖ്, അശോകൻ എന്നിവരാണ് വീണ്ടും പുതിയ ഒരു സിനിമയില് ഒന്നിക്കുകയാണ്. ആ സിനിമയാണ് ‘പാതിരാക്കുറുക്കൻ’ .
ഇൻ ഹരിഹർ നഗർ, 2 ഹരിഹർ നഗർ, ഇൻ ഗോസ്റ്റ് ഹൗസ് ഇൻ എന്നിവയാണ് ഈ നാല്വര് സംഘം ഒന്നിച്ച സിനിമകള്. ഈ സിനിമകള് എല്ലാം ഹിറ്റായിരുന്നു. പൊട്ടിച്ചിരിക്കാന് വക നല്കുന്നു എന്നത് തന്നെയാണ് ഈ കൂട്ടുകെട്ടിന്റെ സവിശേഷത. ഈ നാലംഗ കൂട്ടുകെട്ട് വീണ്ടും വെള്ളിത്തിരയില് ഒന്നിക്കുമ്പോള് വലിയ പ്രതീക്ഷയോടെയാണ് പ്രേക്ഷകർ കാത്തിരിക്കുന്നത്.
വ്യത്യസ്ത സാഹചര്യങ്ങളില്പ്പെട്ട നാല് പേരുടെ ജീവിതത്തിലുണ്ടാകുന്ന അപ്രതീക്ഷിത സംഭവങ്ങളും അതിനെ തുടർന്നുള്ള രസകരമായ സംഭവവികാസങ്ങളുമാണ് പാതിരാക്കുറുക്കൻ പ്രേക്ഷകർക്ക് മുന്നിലെത്തിക്കുന്നത്. കുടുംബ പ്രേക്ഷകർക്ക് ഏറെ പ്രിയപ്പെട്ട ജഗദീഷ്, മുകേഷ്, സിദ്ദിഖ്, അശോകൻ എന്നിവർക്കൊപ്പം ഇന്ദ്രൻസും ഉണ്ടെന്നത് പ്രതീക്ഷകള് വര്ധിപ്പിക്കുന്നു.
ജയേഷ് വേണുഗോപാല് സംവിധാനം ചെയ്യുന്ന ചിത്രം അപ്പായ് സിനിമാസിന്റെ ബാനറില് സിജോ ജോർജ് ആണ് നിർമ്മിക്കുന്നത്. സുനില് കർമ്മ, നിഖില് ജിനൻ എന്നിവരാണ് ചിത്രത്തിന്റെ രചന നിർവ്വഹിച്ചിരിക്കുന്നത്. ജഗദീഷ്, മുകേഷ്, സിദ്ദിഖ്, അശോകൻ, ഇന്ദ്രൻസ് എന്നിവരെ കൂടാതെ നിർമല് പാലാഴി, വിനീത് തട്ടില്, റിയാസ് നർമ്മകല, സുധീർ പറവൂർ, കുട്ടി അഖില്, അനീഷ് ഗോപാല്, ടെസ്സ ജോസഫ്, അജയൻ മാടയ്ക്കല്, സോഷ്യല് മീഡിയ ഇൻഫ്ലുവൻസർമാരായ അശ്വിത- അശ്വിജ എന്നിവരും ചിത്രത്തില് ശ്രദ്ധേയ കഥാപാത്രങ്ങളെ അവതരിപ്പിക്കുന്നു.
ഗോപി സുന്ദറാണ് സംഗീതം. ചിത്രത്തിന്റെ ഛായാഗ്രഹണം സെല്വകുമാർ എസ്. എഡിറ്റിംഗ് അതുല് വിജയ്, കലാസംവിധാനം ത്യാഗു തവനൂർ, മേക്കപ്പ് രാജേഷ് നെന്മാറ, വസ്ത്രാലങ്കാരം സുകേഷ് താനൂർ, സ്റ്റില്സ് ജയപ്രകാശ് അതളൂർ, സംഘട്ടനം അഷ്റഫ് ഗുരുക്കള്, വിനോദ് പ്രഭാകർ, കൊറിയോഗ്രാഫി ശ്രീ സെല്വി
