കോട്ടയം: എം ജി സര്‍വകലാശാലയില്‍ നാഷണല്‍ കോണ്‍ഫറന്‍സിന് നല്‍കിയ ഫണ്ട് തിരിച്ചടയ്ക്കണമെന്ന വൈസ് ചാന്‍സലറുടെ ഉത്തരവിനെതിരെ നിയമനടപടി സ്വീകരിക്കുമെന്ന് ചെയര്‍മാന്‍ അഭിനവ് എം.സര്‍വകലാശാലയുടെ ഭാഗത്തുനിന്നുള്ള രാഷ്‌ട്രീയ നീക്കമാണെന്നാണ് എസ് എഫ് ഐ നേതാവിന്റെ ആരോപണം.
രാജ്യത്ത് നടക്കുന്ന വിദ്യാര്‍ത്ഥി പ്രക്ഷോഭത്തിന്റെ ഭാഗമാകാതിരിക്കാന്‍ വിദ്യാര്‍ഥികള്‍ക്കാവില്ല.ശക്തമായ പ്രതിഷേധം സംഘടിപ്പിക്കും.ഫണ്ട് തിരിച്ചടിക്കണമെന്ന ഉത്തരവ് ഒരു കാരണവശാലും അംഗീകരിക്കില്ല.സര്‍വകലാശാല യൂണിയന്‍ വര്‍ഷങ്ങളായി നടത്തിവരുന്ന പരിപാടിയാണ് നാഷണല്‍ കോണ്‍ഫറന്‍സ്. പരിപാടിക്കായി സര്‍വകലാശാലയുടെ ഭാഗത്തുനിന്ന് ഒരു തുക നല്‍കാറുണ്ട്. എന്നാല്‍ ഇത് വിദ്യാര്‍ഥികളില്‍ നിന്ന് പിരിക്കുന്ന തുക തന്നെയാണെന്നും വിദ്യാര്‍ഥികളുടെ പണമാണെന്നുമാണ് യൂണിയന്റെ വാദം.
നാഷണല്‍ കോണ്‍ഫറന്‍സിന്റെ ഫ്ലക്സില് പാറ്റയുടെ ചിത്രം ഉള്‍പ്പെടുത്തിയതിനെ വൈസ് ചാന്‍സലര്‍ എതിര്‍ത്തിരുന്നു.പരിപാടിയില്‍ രാഷ്‌ട്രീയം കലര്‍ത്തുന്നതിനോടാണ് വിയോജിപ്പ് പ്രകടിപ്പിച്ചത്.പാറ്റയുടെ ചിത്രം ഒഴിവാക്കിയില്ലെങ്കില്‍ അനുവദിച്ച തുക തിരിച്ചു പിടിക്കുമെന്നും മുന്നറിയിപ്പ് നല്‍കിയിരുന്നു.
നീറ്റ് പരീക്ഷാ പേപ്പര്‍ ചോര്‍ച്ചയുമായി ബന്ധപ്പെട്ട് കോക്രോച്ച് ജനതാ പാര്‍ട്ടി എന്ന പേരില്‍ ഒരു വിഭാഗം വിദ്യാര്‍ത്ഥികള്‍ കേന്ദ്രത്തിനെതിരെ നടത്തിയ സമരത്തിനെ അനുസ്മരിച്ചാണ് നാഷണല്‍ കോണ്‍ഫറന്‍സിന്റെ ഫ്ലക്സില് എസ് എഫ് ഐ നിയന്ത്രണത്തിലുളള സര്‍വകാലാശാല യൂണിയന്‍ പാറ്റയുടെ ചിത്രം ഉള്‍പ്പെടുത്തിയത്.
