തിരുവനന്തപുരം: കനത്ത മഴ മൂലം തിങ്കളാഴ്ച നടത്താനിരുന്ന എംജി സര്വകലാശാലാ പരീക്ഷകള് മാറ്റി. പുതുക്കിയ തീയതികള് പിന്നീട് അറിയിക്കും.ഹയര് സെക്കണ്ടറി വിഭാഗം ഞായറാഴ്ച നടത്താനിരുന്ന തുല്യതാ പരീക്ഷ യും മാറ്റി വെച്ചു
ഞായറാഴ്ച നടത്താന് തീരുമാനിച്ചിരുന്ന സ്റ്റേറ്റ് എലിജിബിലിറ്റി പരീക്ഷ (സെറ്റ്) മാറ്റിവച്ചു. പുതുക്കിയ തീയതി പിന്നീട് അറിയിക്കും.ശ്രീനാരായണഗുരു ഓപ്പണ് യൂണിവേഴ്സിറ്റിയുടെ ഞായറാഴ്ച നടത്താന് നിശ്ചയിച്ചിരുന്ന എല്ലാ പരീക്ഷകളും മാറ്റി വച്ചതായി പരീക്ഷാ കണ്ട്രോളര് അറിയിച്ചു. പുതുക്കിയ തീയതി പിന്നീട് അറിയിക്കും.
അതേസമയം കനത്ത മഴയെ തുടര്ന്ന് ഇന്ന് പരീക്ഷാ കേന്ദ്രങ്ങളിലെത്താനാവാത്ത ഉദ്യോഗാര്ഥികള്ക്കായി വീണ്ടും പരീക്ഷ നടത്തുമെന്ന് പിഎസ്സി അറിയിച്ചു. ഇടുക്കി, കോട്ടയം, പത്തനംതിട്ട ജില്ലകളിലെ ഉദ്യോഗാര്ഥികള്ക്കാണ് വീണ്ടും പരീക്ഷ എഴുതാന് അവസരം നല്കുക.
കായികക്ഷമതാ പരീക്ഷ മാറ്റി
വനം വന്യ ജീവി വകുപ്പിലെ ബീറ്റ് ഫോറസ്റ്റ് ഓഫീസര് (കാറ്റഗറി നമ്പര്: 211/2025, 212/2025, 213/2025, 214/2025തസ്തികമാറ്റം മുഖേന, 254/2025ഈഴവ/തിയ്യ/ബില്ലവ, 255/2025ഒ.ബി.സി.) തസ്തികയുടെ തെരഞ്ഞെടുപ്പിന് 2026 ആഗസ്റ്റ് മാസം 4, 5 തീയതികളില് ഇടുക്കി, മലപ്പുറം, വയനാട് എന്നീ ജില്ലകളില് നടത്താന് നിശ്ചയിച്ചിരുന്ന ശാരീരിക അളവെടുപ്പും കായിക ക്ഷമതാ പരീക്ഷയും പ്രതികൂല കാലാവസ്ഥയെ തുടര്ന്ന് മാറ്റി. പുതിയ തീയതി പിന്നീട് അറിയിക്കും.
