റിയോഡി ജനീറോ:ബ്രസീല്‍ ഫുട്ബോള് ടീം സൗഹൃദ ഫുട്ബാള്‍ മത്സരത്തിനായി ഇന്ത്യയിലേക്ക്. അഞ്ച് തവണ ലോകചാമ്പ്യന്മാരായ ബ്രസീല്‍ കൊല്‍ക്കത്തയില്‍ ഇന്ത്യക്കെതിരെ കളിക്കും. ഒക്ടോബര്‍ 3ന് കൊല്‍ക്കത്തയിലെ സാള്‍ട്ട്‌ലേക്ക് സ്റ്റേഡിയത്തില്‍ വെച്ചാകും മത്സരം. ഇക്കാര്യം ബ്രസീല്‍ ഫുട്ബോള് കോണ്‍ഫഡെറേഷന്‍ ഔദ്യോഗികമായി സ്ഥിരീകരിച്ചു.
2026-ലെ തങ്ങളുടെ അവസാന ഫിഫ വിന്‍ഡോയുടെ ഭാഗമായി മൂന്ന് സൗഹൃദ മത്സരങ്ങള്‍ കളിക്കാനാണ് ബ്രസീല്‍ തയാറെടുക്കുന്നത്. ഇതില്‍ രണ്ടെണ്ണം ഓസ്‌ട്രേലിയയിലും ഒരെണ്ണം ഇന്ത്യയിലുമാണ് നടക്കുക.
സെപ്തംബര്‍ 25ന് ടൗണ്‍സ്വില്ലെയിലും, സെപ്തംബര്‍ 29-ന് ബ്രിസ്‌ബേനിലുമാണ് ഓസ്‌ട്രേലിയയുമായുള്ള മത്സരങ്ങള്‍ നിശ്ചയിച്ചിരിക്കുന്നത്. ഇക്കഴിഞ്ഞ ലോകകപ്പ് വേളയിലും കൊല്‍ക്കത്ത നഗരത്തിലുടനീളം ബ്രസീല്‍ പതാകകളും താരങ്ങളുടെ കട്ടൗട്ടുകളും ഉയര്‍ന്നത് ബ്രസീലിയന്‍ ഫുട്ബോള് ഫെഡറേഷന്റെ ശ്രദ്ധ ആകര്‍ഷിച്ചിരുന്നു.
