തിരുവനന്തപുരം: പിഎം ശ്രീയില് കേന്ദ്ര സര്ക്കാരുമായി മുന് ഇടത് സര്ക്കാര് ഒപ്പുവച്ച ധാരണാപത്രത്തില് പിന്നോട്ട് പോകാന് കഴിയില്ലെന്ന് യുഡിഎഫ്.ഏതൊക്കെ സ്കൂളുകളില് പദ്ധതി നടപ്പിലാക്കുമെന്ന് സര്ക്കാര് തീരുമാനിക്കും. മന്ത്രിസഭാ ഉപസമിതി റിപ്പോര്ട്ടിന് ശേഷമാകും അത് തീരുമാനിക്കുകയെന്ന് യു ഡി എഫ് കണ്വീനര് അടൂര് പ്രകാശ് പറഞ്ഞു.
പിഎം ശ്രീയില് കഴിഞ്ഞ സര്ക്കാര് ചെയ്തതിന്റെ തുടര്ച്ചയേന്നൊണം സര്ക്കാര് മുന്നോട്ടു പോകുമെന്നും അടൂര് പ്രകാശ് വ്യക്തമാക്കി.
കേന്ദ്രത്തില്നിന്ന് സംസ്ഥാനത്തിന് കിട്ടേണ്ട ഫണ്ടുകള് ഉണ്ട്.അത് ആരുടെയും ഔദാര്യമല്ല. സര്ക്കാര് ബോര്ഡുകള് പിരിച്ചുവിട്ടു എന്ന് പരാതികള് പറയാന് ഇടവരുത്തരുത്. ഏറ്റവും മാന്യമായി പിരിഞ്ഞു പോകുന്നതാണ് നല്ലത്. സ്വകാര്യ – വിദേശ നിക്ഷേപങ്ങള് കൊണ്ടുവാനുള്ള ശ്രമങ്ങളെ യുഡിഎഫ് പിന്തുണയ്ക്കും.എല്ലാ മാസങ്ങളിലും യുഡിഎഫിന് യോഗം കൂടാന് തീരുമാനമായി.
യുഡിഎഫ് പ്രകടന പത്രികയും സര്ക്കാര് ബജറ്റിലെ പ്രഖ്യാപനങ്ങളും നടപ്പിലാക്കുന്നതിന് യുഡിഎഫ് ചര്ച്ച നടത്തും.ഭരണപരിഷ്കാരം, ഭൂപരിഷ്കരണം, വയോജന വകുപ്പ് എന്നിവയുമായി ബന്ധപ്പെട്ട നിയമനിര്മ്മാണവുമായി ബന്ധപ്പെട്ട് യുഡിഎഫ് സര്ക്കാരിന് നിര്ദ്ദേശങ്ങള് സമര്പ്പിക്കും.വീര്യം കുറഞ്ഞ മദ്യ വിഷയത്തില് ഉപസമിതിയെ നിയോഗിക്കും.
ബോര്ഡ് ,കോര്പ്പറേഷന് വിഭജനത്തില് ഏതാനും ദിവസങ്ങള്ക്കുള്ളില് ചര്ച്ച നടത്തി പൂര്ത്തീകരണം ഉണ്ടാകും. എല്ഡിഎഫ് ഭരിക്കുന്ന ബോര്ഡുകളിലും കോര്പ്പറേഷനുകളിലും വഹിച്ചുകൊണ്ടിരിക്കുന്ന സ്ഥാനമാനങ്ങള് അവര് സ്വയം രാജിവയ്ക്കണമെന്നും യു ഡി എഫ് യോഗം ആവശ്യപ്പെട്ടു.
