അഹമ്മദാബാദ് :മാറ്റര്‍ ഇലക്ട്രിക് ബൈക്കുകള്‍ ഇന്ത്യയില്‍ പുതിയ ഒരു അധ്യായം കുറിയ്‌ക്കുകയാണ്. മാറ്റര്‍ എന്ന പേരിലുള്ള ഈ ഇലക്ട്രിക് ബൈക്ക് നിര്‍മ്മാണക്കമ്പനിയുടെ സഹസ്ഥാപകന്‍ മൊഹല്‍ ലാല്‍ഭായി ആണ്.
നാല് ഗിയറുള്ള ഇലക്ട്രിക് ബൈക്ക് വിജയത്തിലെത്തിയത് വര്‍ഷങ്ങളുടെ നിതാന്ത പരിശ്രമംകൊണ്ടാണ്.നാല് ഗിയറുള്ള മാനുവല്‍ എഞ്ചിനാണ് വികസിപ്പിച്ചത്. ഇത് തന്നെയാണ് ഈ കമ്പനിയുടെ ആത്മാവും. ഇന്ത്യയിലെ യുവാക്കള്‍ക്ക് ഹരമാവുകയാണ് മാറ്റര്‍ ഇലക്ട്രിക് ബൈക്കുകള്‍. ഇതിനോടകം പതിനായിരക്കണക്കിന് ഇലക്ടിക് ബൈക്കുകള്‍ കമ്പനിവിറ്റഴിച്ചുകഴിഞ്ഞു. .
ഗുജറാത്തിലെ അഹമ്മദാബാദിലാണ് മാറ്റര്‍ എന്ന കമ്പനിയുടെ ആസ്ഥാനം. ഒരു ഇലക്ട്രിക് ബൈക്കിന്റെ വില ഇപ്പോള്‍ 1.8 ലക്ഷം രൂപയാണ്. പക്ഷെ വൈദ്യുതിയില്‍ ചാര്‍ജ്ജ് ചെയ്യാവുന്ന നാല് ഗിയറുള്ള ഇലക്ട്രിക് ബൈക്കിന് മൈലേജിന് ചെലവാകുന്ന തുക പെട്രോള്‍ ബൈക്കിനേക്കാള്‍ തുലോ തുച്ഛം. ഓര്‍ഡറുകള്‍ കുന്നകൂടുന്നതിനാല്‍ ഉല്‍പാദനവും ഷോറൂമുകളും വര്‍ധിപ്പിക്കാനുള്ള നെട്ടോട്ടത്തിലാണ് മൊഹല്‍ ലാല്‍ഭായി. അടുത്ത മൂന്ന് വര്‍ഷത്തിനുള്ളില്‍ 1730 കോടി രൂപയോളം സമാഹരിക്കാനുള്ള ശ്രമത്തിലാണ്. പണം സ്വരൂപിക്കാന്‍ ഓഹരി വിപണിയെ സമീപിക്കാന്‍ ആലോചിച്ചുവരുന്നു.
