പത്തനംതിട്ട: പ്രായപൂര്ത്തിയാകാത്ത പെണ്കുട്ടിയെ പീഡിപ്പിച്ച ശേഷം ഒളിവില് കഴിഞ്ഞ വയോധികനെ അറസ്റ്റ് ചെയ്തു. പന്തളം തെക്കേക്കര കണ്ഠളന് തറ ചെറുലയം വള്ളിപ്പറമ്പില് സുകുമാരന് (76) ആണ് കൊടുമണ് പൊലീസ് പിടികൂടിയത്. തേക്കുതോട് താഴെ പറക്കുളത്തെ ഒളിയിടത്തില് നിന്നാണ് ഇയാളെ അന്വേഷണ സംഘം പിടികൂടിയത്. പ്രതിയെ കോടതിയില് ഹാജരാക്കി റിമാന്ഡ് ചെയ്തു.
ഈ മാസം രണ്ടാം തീയതിയാണ് കേസിനാധാരമായ സംഭവം ഉണ്ടായത്. പ്രായപൂര്ത്തിയാകാത്ത പെണ്കുട്ടിയെ ലൈംഗികമായി പീഡിപ്പിച്ച സംഭവം പുറത്തായതിന് പിന്നാലെ ഇയാള് ഒളിവില് പോയി. പെണ്കുട്ടിയും കുടുംബവും നല്കിയ പരാതിയില് പൊലീസ് സുകുമാരനെതിരെ പോക്സോ വകുപ്പുകള് ചേര്ത്ത് കേസ് രജിസ്റ്റര് ചെയ്തിരുന്നു. ഇതോടെ നാട്ടില് നിന്ന് കടന്ന പ്രതി തുമ്പമണ്, തണ്ണിത്തോട്, തേക്കുതോട് തുടങ്ങി വിവിധ സ്ഥലങ്ങളില് മാറിമാറി ഒളിവില് കഴിഞ്ഞു വരികയായിരുന്നു.
