ന്യൂഡൽഹി : പാർലമെന്റ് മാർച്ചിനിടെ അക്രമം അഴിച്ചു വിട്ട പാറ്റകളെ മർദ്ദിച്ചതിൽ മനംനൊന്ത് തന്റെ ജന്മദിനം ആഘോഷിക്കില്ലെന്ന് കോൺഗ്രസ് നേതാവ് മല്ലികാർജുൻ ഖാർഗെ . ചോദ്യപേപ്പർ ചോർച്ച വിഷയത്തിൽ പാർലമെന്ററി ചർച്ച നടത്തണമെന്നും അദ്ദേഹം ആവർത്തിച്ചു.
ഇന്ന് ആഘോഷിക്കാനുള്ള ദിവസമല്ല, മറിച്ച് ഉത്തരവാദിത്തം തേടാനും ജനാധിപത്യം പുനഃസ്ഥാപിക്കാനും വേണ്ടിയുള്ള ദിവസമാണെന്ന് 84 കാരൻ ഖാർഗെ X-ൽ പറഞ്ഞു.
“ഇന്നലെ, രാജ്യം ലാത്തിചാർജ്, കണ്ണീർവാതക ഷെല്ലുകൾ, അടിച്ചമർത്തൽ എന്നിവയ്ക്ക് സാക്ഷ്യം വഹിച്ചു. നീതി ആവശ്യപ്പെടുന്ന വിദ്യാർത്ഥികളുടെ ശബ്ദങ്ങൾ ഉത്തരങ്ങൾക്ക് പകരം ബലപ്രയോഗത്തിലൂടെയാണ് നേരിടപ്പെട്ടത് . ഈ വേദനാജനകമായ സാഹചര്യങ്ങളിൽ, ഇന്ന് എന്റെ ജന്മദിനം ആഘോഷിക്കേണ്ടതില്ലെന്ന് ഞാൻ തീരുമാനിച്ചു“ ഖാർഗെ X-ൽ പറഞ്ഞു.
“എന്തുകൊണ്ടാണ് പാർലമെന്റ് സീൽ ചെയ്തത്, ഇന്റർനെറ്റ് അടച്ചുപൂട്ടിയത്? ആവർത്തിച്ചുള്ള പേപ്പർ ചോർച്ചയ്ക്കും ലക്ഷക്കണക്കിന് യുവാക്കളുടെ കഷ്ടപ്പാടുകൾക്കും ആരാണ് ഉത്തരവാദിത്തം ഏറ്റെടുക്കുക? ‘ജനാധിപത്യ മാതാവ്’ തന്റെ കൊച്ചുകുട്ടികളോട് പെരുമാറുന്നത് ഇങ്ങനെയല്ല..” ഖാർഗെ പറഞ്ഞു. പാർലമെന്റിൽ ഈ വിഷയത്തിൽ പൂർണ്ണമായ ചർച്ചയ്ക്ക് സർക്കാർ ഉടൻ അനുമതി നൽകണമെന്ന് അദ്ദേഹം ആവശ്യപ്പെട്ടു.
