വാഷിംഗ്ട്ടണ്: കാട്ടുതീ മൂലം വടക്കന് അമേരിക്കന് പ്രദേശങ്ങള് പുകയില് മൂടിയതോടെ കാനഡയ്ക്ക് മേല് പുതിയ തീരുവ ചുമത്തുമെന്ന് യുഎസ് പ്രസിഡന്റ് ഡൊണാള്ഡ് ട്രംപിന്റെ ഭീഷണി. തീ അണയ്ക്കുന്നതിന് പരാതിപ്പെടുന്നതിനുപകരം പിന്തുണ നല്കുകയാണ് വേണ്ടതെന്ന ഒന്റാറിയോ പ്രീമിയര് ഡഗ് ഫോര്ഡിന്റെ പ്രസ്താവനയോട് പ്രതികരിക്കുകയായിരുന്നു ട്രംപ്. കാലാവസ്ഥാ വ്യതിയാനത്തിനെതിരെ പോരാടേണ്ടത് ഇരു രാജ്യങ്ങളുടെയും ഉത്തരവാദിത്തമാണെന്ന് കനേഡിയന് പ്രധാനമന്ത്രി മാര്ക്ക് കാര്ണിയും അഭിപ്രായപ്പെട്ടിരുന്നു.
‘അമേരിക്കയെ മലിനമായ വായുകൊണ്ട് കാനഡ ആക്രമിക്കുകയാണ്, മനഃപൂര്വമായ ഈ അശ്രദ്ധയ്ക്ക് പുതിയ ചുങ്കം ചുമത്തു’മെന്ന് ട്രംപ് പറഞ്ഞു.
കനേഡിയന് വൈല്ഡ്ലാന്ഡ് ഫയര് ഇന്ഫര്മേഷന് സിസ്റ്റത്തിന്റെ അറിയിപ്പു പ്രകാരം കാനഡയില് ഏകദേശം 955 വനമേഖലകള് കത്തിക്കൊണ്ടിരിക്കുകയാണ്. ഒന്റാറിയോയില്മാത്രം 190-ലധികം ഇടങ്ങളില് തീ പടരുന്നു.
