ശ്രീനഗര്‍: ജമ്മു കശ്മീരിലെ പൂഞ്ച്, രജൗരി എന്നീ ജില്ലകളില്‍ ഉണ്ടായ പേമാരിയിലും മണ്ണിടിച്ചിലിലും വെള്ളപ്പൊക്കത്തിലും മരണസംഖ്യ 12 ആയി. നിരവധി പേരെ കാണാതായിട്ടുണ്ട്. രക്ഷാപ്രവര്‍ത്തനം പുരോഗമിക്കുകയാണ്. അമര്‍നാഥ് യാത്രയും ജമ്മുവിലെ മാതാ വൈഷ്‌ണോദേവി, ശിവ് ഖോരി ആരാധനാലയങ്ങളിലേക്കുള്ള തീര്‍ത്ഥാടനവും അധികൃതര്‍ താല്‍ക്കാലികമായി നിര്‍ത്തിവച്ചു. ദുരിതബാധിതരുടെ സുരക്ഷയ്‌ക്കായി സാധ്യമായ എല്ലാ സഹായവും കേന്ദ്ര ആഭ്യന്തരമന്ത്രി അമിത് ഷാ ലഫ്റ്റനന്റ് ജനറലിനും മുഖ്യമന്ത്രിക്കും ഉറപ്പ് നല്‍കി.
പൂഞ്ച് ജില്ലയിലാണ് കൂടുതല്‍ നാശനഷ്ടമുണ്ടായത്. ബുഫ്‌ലിയാസ് പ്രദേശത്ത് വീടുകളും വാഹനങ്ങളും വെള്ളപ്പൊക്കത്തില്‍ ഒലിച്ചുപോയി. ആറ് മൃതദേഹങ്ങള്‍ ഇവിടെ നിന്ന് കണ്ടെടുത്തു. മണ്ണിടിച്ചില്‍ ഗതാഗതം തടസ്സപ്പെട്ടു.
പൂഞ്ച്, രജൗരി, കിഷ്ത്വാര്‍ ജില്ലകളില്‍ ഒന്നിലധികം മേഘവിസ്‌ഫോടനങ്ങള്‍ ഉണ്ടായതായി അധികൃതര്‍ അറിയിച്ചു.
അടുത്ത് ദിവസങ്ങളിലും വ്യാപകമായ മഴ പെയ്യുമെന്ന് കാലാവസ്ഥാ വകുപ്പ് അറിയിച്ചിട്ടുണ്ട്.
പേമാരി, വെള്ളപ്പൊക്കം: ജമ്മു കശ്മീരില്‍ മരണസംഖ്യ 12 ആയി, എല്ലാ സഹായവും വാഗ്ദാനം ചെയ്ത് അമിത്ഷാ
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
ജന്മഭൂമി ഓണ്‍ലൈന്‍© Mathruka Pracharanalayam Limited.
Tech-enabled by Ananthapuri Technologies.