.തിരുവനന്തപുരം: പൂക്കി ചിരി ചിരിച്ച മുഖ്യന്‍….. സതീശന് ഇപ്പോള്‍ സ്വന്തം പാര്‍ട്ടിക്കാരെ കണ്ടാല്‍ പോലും ചിരിക്കാന്‍ വയ്യാണ്ടായെന്ന് ബിജെപി യുവനേതാവ് യുവരാജ് ഗോകുല്‍. കെഎസ് യു നേതാവ് അലോഷ്യസ് സേവ്യറും മുഖ്യമന്ത്രി സതീശനും തമ്മിലുള്ള അടിയുടെ പശ്ചാത്തലത്തിലായിരുന്നു യുവരാജ് ഗോകുലിന്റെ ഈ സമൂഹമാധ്യമപോസ്റ്റ്.
“സ്വന്തം രാഷ്‌ട്രീയ സംഘടനയിലുള്ളവരെ മാത്രമേ എല്ലായിടത്തും നിയമിക്കാന്‍ പാടുള്ളൂ എന്ന് വാശി പിടിക്കുകയാണ് കെ.എസ്.യു. എന്തൊരു മനോഹര ജനാധിപത്യം”- യുവരാജ് ഗോകുല്‍ പ്രതികരിക്കുന്നു. മുഖ്യമന്ത്രിയായി ചുമതലയേറ്റപ്പോള്‍ സതീശന്റെ ഒരു പ്രത്യേക ചിരിയുടെ ചിത്രം വൈറലായിരുന്നു. ഇതിനെ പൂക്കിചിരി എന്നാണ് വിശേഷിപ്പിച്ചിരുന്നത്. പക്ഷെ ഇപ്പോള്‍ സതീശന് ചിരിയില്ലാതെ പൊട്ടിത്തെറിക്കുകയാണെന്നും യുവരാജ് ഗോകുല്‍ പറയുന്നു.
സതീശന് കെഎസ് യു നേതാവിനെതിരെ പൊട്ടിത്തെറിക്കുന്ന ഒരു വീഡിയോയും യുവരാജ് ഗോകുല്‍ പങ്കുവെച്ചിരുന്നു. കോടതിയിലെ പ്ലീഡര്‍ നിയമനത്തില്‍ മുഖ്യമന്ത്രിയെ ചോദ്യം ചെയ്ത കെഎസ് യു നേതാവിനെതിരെ സതീശന് വിമര്‍ശനം ഉന്നയിച്ചിരുന്നു. എന്നാല്‍ സതീശനെ വിമര്‍ശിച്ച സേവ്യര്‍ അലോഷ്യസിനെ വി.എം. സുധീരന്‍ ഒരു വേദിയിലേക്ക് ക്ഷണിച്ച് അഭിനന്ദിച്ചത് സതീശന് വലിയ തിരിച്ചടിയായി മാറിയിരുന്നു. സതീശന് എതിരായ ഗ്രൂപ്പുകാര്‍ സുധീരന്റെ ഈ നടപടിയെ പിന്തുണച്ച് രംഗത്തെത്തിയതോടെ സതീശനെതിരെ വലിയ വിമര്‍ശനം ഉയരുകയാണ്.
