തൃശൂര്‍: കുടുംബത്തിനെതിരെ ദുര്‍മന്ത്രവാദം ചെയ്തെന്ന് ആരോപിച്ച് അമ്മയെ ആക്രമിച്ച് കൈ തല്ലിയൊടിച്ച കേസില്‍ മകന്‍ അറസ്റ്റിലായി. ഏങ്ങണ്ടിയൂര്‍ ചേറ്റുവ സ്വദേശി മനോജ് (46) ആണ് പിടിയിലായത്.
അമ്മ തുളസി (71)യാണ് മനോജ് ആക്രമിച്ചത്. ഈ മാസം ആറാം തീയതി രാത്രി പത്ത് മണിയോടെയാണ് സംഭവം. മനോജിന്റെ കുടുംബത്തില്‍ ഉണ്ടായ ദുരിതങ്ങള്‍ക്ക് കാരണം അമ്മ തുളസി മന്ത്രവാദം ചെയ്തതാണെന്നാണ് ഇയാളുടെ ആരോപണം.
ചേറ്റുവയിലുള്ള തറവാട് വീട്ടില്‍ വച്ചാണ് തുളസിയെ മകന്‍ മര്‍ദ്ദിക്കുകയും ചവിട്ടുകയും ചെയ്തത്. ഇടത് കൈ പിടിച്ചു തിരിച്ച് ഒടിക്കുകയും കത്തി ഉപയോഗിച്ച് കഴുത്തില്‍ കുത്തിക്കൊല്ലാന്‍ ശ്രമിക്കുകയുമായിരുന്നു.
മനോജ് 2025 ല്‍ വീട്ടില്‍ വച്ച് ഭാര്യയെ കുത്തിക്കൊല്ലാന്‍ ശ്രമിച്ച കേസിലും 2024 ല്‍ വാര്‍ഡ് മെമ്പറെ ആക്രമിച്ച കേസിലും പ്രതിയാണ്.
