കൊച്ചി: ആശുപത്രിയില് വൈദ്യപരിശോധനയ്ക്ക് എത്തിച്ച മോഷണക്കേസ് പ്രതി ചാടിപ്പോയി. ആസാം സ്വദേശി അയ്നുല് അലി (24) ആണ് ആലുവ ജില്ലാ ആശുപത്രിയില് വൈദ്യപരിശോധനയ്ക്ക് എത്തിച്ചപ്പോള് കടന്നുകളഞ്ഞത്.
ശനിയാഴ്ച പുലര്ച്ചെ രണ്ടരയോടെയാണ് സംഭവം. കളമശേരി മെട്രോ സ്റ്റേഷന് സമീപത്തെ സ്ഥാപനത്തില്നിന്നും ചെമ്പു കമ്പി മോഷ്ടിച്ച കേസിലെ പ്രതിയാണ് അയ്നുല് അലി.
വൈദ്യപരിശോധന കഴിഞ്ഞ് കൊണ്ടുപോകവെയാണ് കൈവിലങ്ങുമായി പ്രതി കടന്നുകളഞ്ഞത്. ഇയാളെ കണ്ടെത്താന് അന്വേഷണം നടക്കുകയാണ്.
ആലുവയിലെ ഒരു വീട്ടില് വാടകയ്ക്ക് താമസിച്ചിരുന്നതാണ് ഇയാള്.സ്ഥിരം മോഷണക്കേസ് പ്രതിയായ ഇയാള്ക്കെതിരെ ആസാമിലും കേസുകളുണ്ട്.
