തിരുവനന്തപുരം: കോറോ ഹെല്‍ത്ത് കമ്പനി പിരിച്ചുവിട്ട ജീവനക്കാര്‍ക്ക് മറ്റു കമ്പനികളില്‍ ജോലി നല്‍കാനുളള നടപടികള്‍ക്ക് സര്‍ക്കാര്‍ മുന്‍കൈയെടുക്കുമെന്ന് മന്ത്രി ബിന്ദു കൃഷ്ണ.വിഷയം ഗൗരവത്തോടെയാണ് കാണുന്നത്.തൊഴില്‍ വകുപ്പ് നിരന്തരം കമ്പനിയുമായും ജീവനക്കാരുമായും സംസാരിക്കുന്നുണ്ടെന്ന് മന്ത്രി പറഞ്ഞു.
ടാല്‍റോപ് കമ്പനി നിക്ഷേപ തട്ടിപ്പ് നടത്തിയെന്ന ആരോപണത്തില്‍ അന്വേഷണം നടത്തുമെന്നും മന്ത്രി വ്യക്തമാക്കി. നമ്മുടെ നാട്ടില്‍ വന്ന് ഇത്തരം കമ്പനികള്‍ നിക്ഷേപ തട്ടിപ്പ് നടത്തുന്നത് ഒരിക്കലും അംഗീകരിക്കാന്‍ ആകില്ല.
കോറോ ഹെല്‍ത്തില്‍ തൊഴില്‍ നഷ്ടപ്പെടുന്നവര്‍ക്ക് ജി-ടെക്കില്‍ ജോലി നല്‍കുമെന്ന് മന്ത്രി പികെ കുഞ്ഞാലിക്കുട്ടി നേരത്തേ അറിയിച്ചിരുന്നു. കോറോ ഹെല്‍ത്ത് ജീവനക്കാരുടെ പ്രൊഫൈല്‍ വാങ്ങി ഓരോ കമ്പനിക്കും ആവശ്യമുള്ള സ്‌കില്‍ അനുസരിച്ച് പ്രൊഫൈല്‍ കൈമാറി ജോലി ഉറപ്പാക്കാന്‍ ശ്രമിക്കുമെന്നായിരുന്നു മന്ത്രി പറഞ്ഞത്.
