കൊച്ചി: മോഷണം നടത്തുന്നതിനിടെ വീട്ടമ്മയെ പീഡിപ്പിക്കാന് ശ്രമിച്ച യുവാവ് പിടിയില്. കോതമംഗലം നെല്ലിക്കുഴി ചിരട്ടക്കുടി വീട്ടില് എബിന് ടോമി (27) യെയാണ് പെരുമ്പാവൂര് പൊലീസ് അറസ്റ്റ് ചെയ്തത്. കഴിഞ്ഞ പത്താം തീയതി വൈകുന്നേരം കാരാട്ടുപള്ളിക്കരയിലാണ് കേസിനാധാരമായ സംഭവം.
ആരും ഇല്ലാതിരുന്നപ്പോള് വീട്ടില് കയറിയ പ്രതി അലമാരയുടെ പൂട്ടി കുത്തിത്തുറന്ന് മോഷണത്തിന് ശ്രമിച്ചു. ശേഷം വീട്ടില് ഒളിച്ചിരുന്ന പ്രതി വീട്ടമ്മ എത്തിയപ്പോള് കയറിപ്പിടിച്ചു. വാഴക്കുളം സ്റ്റേഷന് പരിധിയില്നിന്ന് മോഷ്ടിച്ച ഇരുചക്ര വാഹനത്തിലാണ് ഇയാള് ഈ വീട്ടിലേക്ക് എത്തിയത്. വീട്ടമ്മ നിലവിളിച്ചപ്പോള് കടന്നുകളഞ്ഞ പ്രതിയെ പൊലീസ് ശാസ്ത്രീയ അന്വേഷണത്തിലൂടെയാണ് പിടികൂടിയത്.
പെരുമ്പാവൂര്, കോടനാട്, കുറുപ്പംപടി, കോതമംഗലം, വാഴക്കുളം, പൂവാര് മുട്ടം, ആലപ്പുഴ നോര്ത്ത് തുടങ്ങിയ സ്റ്റേഷനുകളില് പത്തിലേറെ കേസുകളുണ്ട് എബിന് ടോമിയുടെ പേരില്.
