ആലപ്പുഴ: ജനങ്ങളോട് മര്യാദയ്ക്ക് പെരുമാറുന്നത് എങ്ങനെയെന്ന് സിപിഎം നേതാക്കള് പഠിക്കണമെന്ന് ജി സുധാകരന് എംഎല്എ. പ്രായമായവര്ക്കുള്ള വിദ്യാഭ്യാസ സ്ഥാപനങ്ങളില് പോയി പഠിക്കുന്നതാണ് നല്ലതെന്നും സുധാകരന് ഉപദേശിച്ചു.
എസ്എസ്എല്സി പാസ്സാകാത്ത പ്രവര്ത്തകര് പോലും തന്റെ വീടിന് മുന്നില് വന്ന് മുദ്രാവാക്യം വിളിക്കുകയാണ്. അതെന്ത് ഏര്പ്പാടാണ്. എതിരാളികളെ അസഭ്യം പറഞ്ഞതു കൊണ്ട് കാര്യമായോ?. ഇതുകൊണ്ടൊക്കെ കൊണ്ടല്ലേ സിപിഎമ്മുകാര് തെരഞ്ഞെടുപ്പില് തോറ്റതെന്നും സുധാകരന് ചോദിച്ചു.
ഭരണം മാറിയത് ആലപ്പുഴയിലെ പൊലീസ് അറിഞ്ഞിട്ടില്ല. പൊലീസും ഇതിന് കൂട്ടായി പ്രവര്ത്തിക്കുകയാണ്. ആരോടും മമതയും കാണിക്കണ്ട, വിരോധവും കാണിക്കേണ്ട. പൊലീസുകാര് നിങ്ങളുടെ ജോലി ചെയ്യണം. ഒരു പൊലീസുകാരന്റെയും ആനുകൂല്യം തനിക്ക് വേണ്ടെന്നും സുധാകരന് പറഞ്ഞു.
