കൊച്ചി: മനോജ് മൂത്തേടം എംഎല്എ മോശമായി പെരുമാറിയതില് പ്രതിഷേധിച്ച് പെരുമ്പാവൂര് താലൂക്ക് ആശുപത്രിയിലെ ഡോക്ടര്മാര് ഒപി ബഹിഷ്കരിച്ചു. സംഭവത്തില് ആരോഗ്യ വകുപ്പ് മന്ത്രിക്ക് പരാതി നല്കുമെന്ന് ഡോക്ടര്മാര് അറിയിച്ചു.
കൂവപ്പടി സ്വദേശിയുടെ മൃതദേഹം മോര്ച്ചറിയില് സൂക്ഷിക്കുന്നതുമായി ബന്ധപ്പെട്ട് ആശുപത്രിയിലെ ജൂനിയര് ഡ്യൂട്ടി ഡോക്ടറോട് എംഎല്എ അപമര്യാദയായി പെരുമാറിയെന്നാണ് പരാതി. വീട്ടില് സ്വാഭാവിക മരണം സംഭവിച്ച കേസുകളില് മൃതദേഹം ആശുപത്രിയില് സൂക്ഷിക്കാന് പൊലീസിന്റെ എന്ഒസി നിര്ബന്ധമാണെന്ന് അറിയിച്ചെങ്കിലും അത് വകവയ്ക്കാതെ എംഎല്എ നിര്ബന്ധിച്ചെന്ന് ഡോക്ടര്മാര് പറഞ്ഞു.
സംഭവത്തില് മേലുദ്യോഗസ്ഥരും എംഎല്എയുടെ നിര്ദേശം അനുസരിച്ച് പ്രവര്ത്തിക്കണമെന്ന് ആവശ്യപ്പെട്ടതായി ജൂനിയര് ഡോക്ടര് ആരോപിച്ചു.
