ന്യൂദല്ഹി: ലോകത്തിലെ ഫുട്ബാള് ഇതിഹാസത്തെ മതത്തിന്റെ കണ്ണിലൂടെ ഞെരിച്ച് കൊന്ന് കേരളത്തിലെ ഇസ്ലാമിസ്റ്റുകളും കമ്മ്യൂണിസ്റ്റ് നേതാക്കളും. ഈജിപ്തിനെ തോല്പിച്ച അര്ജന്റീനയുടെ പ്രകടനം വെറും കള്ളക്കളിയിലൂടെയാണെന്ന രീതിയില് മെസ്സിക്കെതിരെ ജിഹാദികളുടെ വന് ആക്രമണം. ഇതിന് കുടപിടിച്ച് കമ്മ്യൂണിസ്റ്റുകാരില് ഒരു വിഭാഗം കൂടി എത്തിയതോടെ മെസ്സിയെ യാതൊരു പ്രതിഭയുമില്ലാത്ത കള്ളക്കളിക്കാരനാക്കിയാണ് ഇവര് ചിത്രീകരിക്കുന്നത്.
തീവ്ര ഇസ്ലാമിസ്റ്റുകളും മതമൗലികവാദികളുമായ ഒരു കൂട്ടം ആളുകളാണ് ഇത്തരം മെസ്സി വിരോധം പ്രചരിപ്പിക്കുന്നത്. അതേ സമയം കേരളത്തിലെ ഫുട്ബാളിന്റെ കേന്ദ്രങ്ങളായ മലപ്പുറത്തും കോഴിക്കോടും പതിനായിരക്കണക്കിന് ഫുട്ബാളിനെ സ്നേഹിക്കുന്ന മുസ്ലിം യുവാക്കള് മെസ്സിയെ നെഞ്ചേറ്റുന്നവര് തന്നെ.
അര്ജന്റീന കപ്പടിക്കുമെന്നും ഇത് ഫിഫ മുന്കൂട്ടി തയ്യാറാക്കിയ പദ്ധതിയാണെന്നും വരെ വിമര്ശനമുണ്ട്. ഇക്കാര്യം ആദ്യം വിശ്വസിച്ചില്ലെന്നും ഈജിപ്തിനെതിരായ വിജയം കണ്ടതോടെ ഇത് സത്യമാണെന്ന് മനസ്സിലായെന്നും ചിലര് ചൂണ്ടിക്കാട്ടുന്നു. മെസ്സി പലസ്തീന് വിരോധിയാണെന്ന് കാണിക്കുന്ന ഒട്ടേറെ പോസ്റ്റുകള് വരുന്നുണ്ട്. ഇതില് പലതും വ്യാജമാണെന്ന് കണ്ടെത്തിയിട്ടുണ്ട്. അതില് ഒരെണ്ണമാണ് മെസ്സി ഇസ്രയേല് പതാക പിടിച്ചുനില്ക്കുന്ന ചിത്രം. വാസ്തവത്തില് ഇത്തരമൊരു ചിത്രം ഇല്ല. മെസ്സി ഇന്നുവരെ ഇസ്രയേലിനെ പുകഴ്ത്തിയോ പലസ്തീനെതിരെയോ സംസാരിച്ചിട്ടില്ല എന്നതാണ് വാസ്തവം.
കഴിഞ്ഞ ദിവസം സിപിഎം നേതാവും മുന്മന്ത്രിയുമായി രാജേഷും മെസ്സിയെയും അര്ജന്റീനയെയും വിമര്ശിച്ച് രംഗത്ത് വന്നിരുന്നു. ട്രംപ് ഒത്തുകളിച്ചാണ് മെസ്സിയെയും കൂട്ടരേയും ജയിപ്പിച്ചതെന്ന ബാലിശമായ രാജേഷിന്റെ പ്രതികരണത്തിനെതിരെ വലിയ വിമര്ശനം ഉയരുന്നുണ്ട്. പണ്ട് ചെഗുവേരയുടെ നാട്ടില് നിന്നും വരുന്ന മെസ്സി എന്നായിരുന്നു വിശേഷണമെങ്കില് ഇന്ന് മെസ്സിയെ ചെകുത്താനായി ചിത്രീകരിക്കുകയാണ്. പ്രബുദ്ധകേരളത്തില് എന്തിലും ഏതിലും മതം കലത്തുന്ന തീവ്രഇസ്ലാമിസ്റ്റുകളോട് കൈകോര്ക്കുകയാണ് രാജേഷിനെപ്പോലുള്ള കമ്മ്യൂണിസ്റ്റ് നേതാക്കള് എന്നത് പരിഹാസ്യമായി മാറുന്നു. വാസ്തവത്തില് അര്ജന്റീന ഈജിപ്ത് മത്സരത്തില് കളി നിയന്ത്രിച്ച റഫറി ഫ്രാന്സില് നിന്നുള്ള ആളായിരുന്നെങ്കിലും ഇയാള് അര്ജന്റീനക്കാരനാണെന്ന് വരെ ഇസ്ലാമിസ്റ്റുകള് പ്രചരിപ്പിച്ചിരുന്നു.
മെസ്സിയുടെ കൈകളില് രക്തമുണ്ടെന്നാണ് ഇസ്ലാമിസ്റ്റുകള് നടത്തുന്ന പ്രചാരണം. മറ്റൊരു പ്രചാരണം മെസ്സി ഇസ്രയേലി കമ്പനികളില് നിക്ഷേപിച്ചിട്ടുണ്ടെന്നതാണ്. അര്ജന്റീന ഇസ്രയേലിനെ പിന്തുണയ്ക്കുന്നുണ്ടെന്നും അതേ സമയം ഇറാന് പട്ടാളമായ ഐആര്ജിസിയെ തീവ്രവാദികള് എന്ന് വിളിച്ചിട്ടുണ്ടെന്നും ഇസ്ലാമിസ്റ്റുകള് പ്രചരിപ്പിക്കുന്നു. അര്ജന്റീന കഴിഞ്ഞ ലോകകപ്പില് ചാമ്പ്യന്മാരായപ്പോള് മെസ്സിക്ക് ലഭിച്ച ഒരു മില്യണ് തുക അദ്ദേഹം ഇസ്രയേലിന് സംഭാവന നല്കിയെന്ന ഫ്രാന്സിലെ ഒരു പാരഡി വെബ്സൈറ്റ് തമാശയായി നല്കിയ വാര്ത്തയാണ് കേരളത്തിലെ ഇസ്ലാമിസ്റ്റുകള് ഏറ്റെടുത്തിരിക്കുന്നത്. പക്ഷെ ഇതൊന്നും വാസ്തവമല്ലെന്ന് ഫാക്ട് ചെക്ക് ചെയ്യുന്ന വെബ്സൈറ്റുകള് കണ്ടെത്തിയിട്ടുണ്ട്.
വാസ്തവത്തില് മാന്യനായ താരമാണ് മെസ്സി. മറഡോണയെപ്പോലെ യാതൊരു വിവാദങ്ങളും ഇദ്ദേഹത്തിന്റെ ജീവിതത്തില് ഇല്ല. കളിക്കളത്തിനും വളരെ ശാന്തനായ താരമാണ് മെസ്സി. ഈ ടൂര്ണ്ണമെന്റില് മെസ്സി നേടിയ എട്ട് ഗോളുകളും എണ്ണം പറഞ്ഞവയായിരുന്നു.
