പട്ന: ബിഹാറിന്റെ തലസ്ഥാനമായ പട്നയിലെ ബങ്കിപൂർ മണ്ഡലത്തിൽ നടക്കാനിരിക്കുന്ന ഉപതിരഞ്ഞെടുപ്പുമായി ബന്ധപ്പെട്ട് രാഷ്ട്രീയ ചൂട് കൊടുമ്പിരിക്കൊണ്ടിരിക്കുകയാണ്. ജൻ സൂരജിന്റെ ശിൽപ്പിയും പ്രശസ്ത തിരഞ്ഞെടുപ്പ് തന്ത്രജ്ഞനുമായ പ്രശാന്ത് കിഷോർ ഒടുവിൽ ബങ്കിപൂർ സീറ്റിൽ മത്സരിച്ചുകൊണ്ട് തിരഞ്ഞെടുപ്പ് മത്സരരംഗത്തേക്ക് പ്രവേശിച്ചു. ഈ തിരഞ്ഞെടുപ്പിൽ വിജയിക്കാൻ പികെ തന്റെ എല്ലാ ശ്രമങ്ങളും നടത്തിയിട്ടുണ്ട്.
ഇപ്പോഴിതാ രാഷ്ട്രീയ വൃത്തങ്ങളിൽ നിന്ന് ഞെട്ടിക്കുന്ന വാർത്തകളാണ് പുറത്തുവരുന്നത്.
പ്രശാന്ത് കിഷോറിന്റെ തിരഞ്ഞെടുപ്പ് പ്രചാരണത്തിന് കരുത്ത് പകരാൻ തമിഴ് സിനിമയിലെ സൂപ്പർസ്റ്റാറും ഇപ്പോഴത്തെ തമിഴ്നാട് മുഖ്യമന്ത്രിയുമായ വിജയ് നേരിട്ട് പട്ന സന്ദർശിച്ചേക്കുമെന്നാണ് റിപ്പോർട്ട്. തമിഴ്നാട്ടിൽ വിജയ് യുടെ സർക്കാർ രൂപീകരണത്തിൽ പ്രശാന്ത് കിഷോറിന്റെ തന്ത്രങ്ങൾ ഒരു പ്രധാന പങ്ക് വഹിച്ചിരുന്നു. ഇപ്പോൾ ആ കടം വീട്ടാൻ വിജയ് പട്നയിലേക്ക് വന്നേക്കാമെന്നാണ് ദേശീയ മാധ്യമങ്ങൾ റിപ്പോർട്ട് ചെയ്യുന്നത്. പ്രശാന്ത് കിഷോറിന്റെ തിരഞ്ഞെടുപ്പ് കളത്തിലേക്ക് ദളപതി വിജയ് എത്തുമ്പോൾ അത് ഏത് തലത്തിൽ പ്രശാന്തിന് ഗുണമാകുമെന്നാണ് രാഷ്ട്രീയ ലോകം ഉറ്റുനോക്കുന്നത്.
ബങ്കിപുർ ഉപതിരഞ്ഞെടുപ്പിനായി പ്രശാന്ത് കിഷോർ തുടർച്ചയായി പ്രചാരണം നടത്തിവരികയാണ്.
തമിഴ്നാട് തിരഞ്ഞെടുപ്പിൽ
ദളപതിക്ക് വേണ്ടി പ്രശാന്ത് കിഷോർ മികച്ച തന്ത്രങ്ങൾ മെനഞ്ഞുവെന്നവും അത് അവിടെ അദ്ദേഹത്തിന്റെ സർക്കാർ രൂപീകരിക്കുന്നതിലേക്ക് നയിച്ചുവെന്നാണ് മാധ്യമങ്ങൾ കൊട്ടിഘോഷിക്കുന്നത്. ഇപ്പോൾ അതേ സൂപ്പർസ്റ്റാർ മുഖ്യമന്ത്രി തന്റെ മുൻ തന്ത്രജ്ഞന് വോട്ട് തേടുന്നത് കാണാൻ കഴിയുമെന്നുമാണ് റിപ്പോർട്ടുകൾ സൂചിപ്പിക്കുന്നത്.
