ന്യൂദല്ഹി: വീര്യം കുറഞ്ഞ മദ്യത്തിന് നികുതി നിശ്ചയിച്ചതില് മുസ്ലിം ലീഗിന് യോജിപ്പില്ലായിരുന്നുവെന്ന് മന്ത്രി കെ.എം.ഷാജി.എന്നാല് മുന്നണി മര്യാദകളുടെ ഭാഗമായി മന്ത്രിസഭാ തീരുമാനത്തിനൊപ്പം നില്ക്കുകയായിരുന്നു.
വീര്യം കൂടിയാലും കുറഞ്ഞാലും മദ്യം പാടില്ലെന്നതാണ് ലീഗിന്റെ എക്കാലത്തെയും നിലപാട്. എല്ലാ വിഭാഗം ജനങ്ങളുടെയും വോട്ട് വാങ്ങിയാണ് യുഡിഎഫ് അധികാരത്തില് വന്നത്. അതിനാല് ഏതെങ്കിലും തരത്തിലുള്ള പ്രതിഷേധങ്ങളുടെ പേരില് സര്ക്കാരിന്റെ പൊതുവായ തീരുമാനങ്ങള് റദ്ദാക്കാന് കഴിയില്ലെന്നും മന്ത്രി കെ.എം.ഷാജി വ്യക്തമാക്കി.
സംസ്ഥാന തെരഞ്ഞെടുപ്പ് കമ്മീഷണറായി ശേഷാദ്രിനാഥനെ നിയമിച്ചതിനെ ഷാജി അനുകൂലിച്ചു. ഈ നിയമനവുമായി ബന്ധപ്പെട്ട് ഉയരുന്ന വിവാദങ്ങള് അനാവശ്യമാണ്.വര്ഗീയവാദിയാണെന്ന് തോന്നിക്കുന്ന ഒരു പരാമര്ശവും ശേഷാദ്രിനാഥന് നടത്തിയിട്ടില്ല.
