വടകര: രണ്ട് വര്ഷത്തെ നിയമപോരാട്ടത്തിനൊടുവില് മുഹമ്മദ് കാസിമിനെ ഒഴിവാക്കി എസ്ഐടി. കാസിം അല്ല സ്ക്രീന്ഷോട്ട് നിര്മിച്ചത് എന്ന് വ്യക്തമായ സാഹചര്യത്തിലാണ് നടപടി. ഫോണ് ഫോറന്സിക് പരിശോധനയ്ക്ക് അയച്ചതിന് പിന്നാലെ കാസിം കുറ്റക്കാരന് അല്ല എന്ന് പോലീസ് കോടതിയെ അറിയിച്ചു. വടകര കാഫിര് സ്ക്രീന്ഷോട്ട് കേസില് എംഎസ്എഫ് നേതാവ് മുഹമ്മദ് കാസിമിനെ പ്രതിസ്ഥാനത്ത് നിന്ന് പ്രത്യേക അന്വേഷണസംഘം ഒഴിവാക്കിയിരിക്കുകയാണ്.
കേസില് ഡിവൈഎഫ്ഐ നേതാവ് ജിതിന് ഭാസ്കര് അറസ്റ്റിലായിരുന്നു. സ്ക്രീന്ഷോര്ട്ട് നിര്മ്മിച്ചത് ജിതിന് ഭാസ്കറിന്റെ ഫോണില് നിന്നാണ് എന്നാണ് കണ്ടെത്തല്. അതേസമയം സ്ക്രീന്ഷോട്ട് നല്കിയതാര് എന്നത് ഇപ്പോഴും അവ്യക്തതയിലാണ്. 2024 ലോക്സഭാ തിരഞ്ഞെടുപ്പ് കാലത്ത് യുഡിഎഫ് സ്ഥാനാര്ഥിക്കെതിരെ പ്രചരിച്ചതാണ് കാഫിര് സ്ക്രീന്ഷോട്ട്. യൂത്ത് ലീഗ് പ്രവര്ത്തകന് മുഹമ്മദ് കാസിമിനെയാണ് ആദ്യം പോലീസ് പ്രതി ചേര്ത്തത്.
എല്ഡിഎഫ് നല്കിയ പരാതിയിലായിരുന്നു മുഹമ്മദ് കാസിമിനെ പ്രതി ചേര്ത്തത്. സന്ദേശം വ്യാജമെന്ന് കാണിച്ച് യൂത്ത് ലീഗും പരാതി നല്കിയിരുന്നു. ഹൈക്കോടതി ഇടപെടലിനെ തുടര്ന്ന് നടത്തിയ അന്വേഷണത്തില് ഡിവൈഎഫ് ഐപ്രവര്ത്തകന് റിബേഷ് രാമകൃഷ്ണനാണ് ഇത് ആദ്യം പോസ്റ്റ് ചെയ്തതെന്ന് കണ്ടെത്തി. തുടര്ന്ന് അന്വേഷണം മുന്നോട്ടു പോയിരുന്നില്ല. പിന്നാലെ, യുഡിഎഫ് സര്ക്കാര് അധികാരമേറ്റതിനെ തുടര്ന്ന് നടത്തിയ ഊര്ജിതമായ അന്വേഷണത്തിലാണ് ആദ്യ അറസ്റ്റിലേക്ക് നയിച്ചത്. പിന്നാലെ കാസിമിനെ വിട്ടയയ്ക്കുകയും ചെയ്തു.
