തിരുവനന്തപുരം : കഴിഞ്ഞ ദിവസം തിരുവനന്തപുരം കോർപ്പറേഷനിൽ നടന്ന കയ്യാങ്കളിയ്ക്കിടെയാണ് മുട്ടട വാർഡിലെ യു.ഡി.എഫ് കൗൺസിലർ വൈഷ്ണ സുരേഷ് തന്റെ മുഖത്തേയ്ക്ക് ചൂട് വെള്ളം ഒഴിച്ചെന്ന പരാതി ഉന്നയിച്ചത്.
‘ പ്രശ്നങ്ങൾ നടക്കുന്നതിനിടെ ഗ്ലാസിലിരുന്ന ചൂട് വെള്ളം തന്റെ മുഖത്തേയ്ക്ക് ഒഴിച്ചു, ഇത് ചെയ്യാനായി എന്ത് തെറ്റാണ് ഞാൻ ചെയ്തത്. രജിസ്റ്ററിൽ ഒപ്പ് വച്ചതാണോ തെറ്റ്. വനിതാ കൗൺസിലർമാരുടെ വസ്ത്രങ്ങൾ വലിച്ചു കീറാൻ ശ്രമിച്ചു ‘ എന്നൊക്കെയായിരുന്നു വൈഷ്ണ പറഞ്ഞത്.
എന്നാൽ ആരോപണങ്ങൾ ഉന്നയിച്ചതിന് പിന്നാലെ സത്യാവാസ്ഥ തെളിയിക്കുന്ന ദൃശ്യങ്ങൾ സമൂഹമാധ്യമങ്ങളിൽ പ്രചരിക്കാൻ തുടങ്ങി. ഇതിൽ സമീപത്ത് നിൽക്കുന്ന മറ്റൊരു വനിതാ കൗൺസിലർ തന്നെ ഗ്ലാസിലിരിക്കുന്ന ചൂട് വെള്ളം എടുത്ത് ഒഴിക്കുന്നത് വ്യക്തമായി കാണാം . ക്യാമറകൾ ഉണ്ടായിട്ടും വൈഷ്ണ ഈ വ്യാജപ്രചരണം നടത്തിയതിനെ പരിഹസിക്കുകയാണിപ്പോൾ ജനങ്ങൾ.
