മുംബൈ:: ടെലിവിഷൻ പരസ്യങ്ങളിലെയും ബോളിവുഡ് സിനിമകളിലെയും മുഖമായ പെരിസാദ് സൊറാബിയൻ എന്ന നടി സിനിമയോട് വിടപറഞ്ഞപ്പോള്‍ എല്ലാവരും ഞെട്ടി. മുംബൈയിലെ ഒരു ഇറാനി കുടുംബത്തില്‍ ജനിച്ച പെരിസാദിന് കുറെക്കാലമായി ഉണ്ടായിരുന്ന മോഹമായിരുന്നു ഒരു ബിസിനസുകാരിയാകണമെന്നത്.
വിവാഹശേഷമാണ് പെരിസാദ് സൊറാബിയന്‍ സിനിമയോട് പൂർണ്ണമായും വിടപറഞ്ഞ്. പിന്നീട് ഭർത്താവ് ബൊമൻ ഇറാനിക്കൊപ്പം ബിസിനസ് രംഗത്തേക്ക് കടന്നു ചെന്നു.
ഇറച്ചിക്കോഴി വില്‍പനയുമായി ബന്ധപ്പെട്ട ബിസിനസ്സായിരുന്നു അത്. പലരും വന്ന് പരാജയപ്പെട്ട കോഴി ബിസിനസില്‍ കഠിനമായ അധ്വാനത്തിലൂടെ പെരിസാദ് സൊറാബിയന്‍ വിജയം നേടി. വൈകാതെ 120 കോടി രൂപ വാർഷിക വിറ്റുവരവുള്ള ഒരു വലിയ സ്ഥാപനമായി കമ്പനി മാറി. സൊറാബിയന്‍ ചിക്കന്‍ എന്ന പേരില്‍ ഉല്‍പന്നങ്ങള്‍ ബ്രാന്‍റ് ചെയ്ത് വില്‍ക്കാന്‍ തുടങ്ങി. ഇന്ന് ഏകദേശം 700ഓളം പേർക്ക് തൊഴില്‍ നല്‍കുന്ന സംരംഭമാണിത്.
