ബെംഗളൂരു: ഓണസീസണിൽ നാട്ടിലേക്കു പോകുന്ന ബെംഗളൂരു മലയാളികൾക്ക് ആശ്വാസവാര്ത്ത. എറണാകുളം വന്ദേഭാരത് എക്സ്പ്രസിലെ കോച്ചുകളുടെ എണ്ണം എട്ടിൽ നിന്ന് 16 ആയി ഉയർത്തി. വന്ദേഭാരത് സർവീസ് തുടങ്ങി 7 മാസം പിന്നിടുമ്പോഴാണ് കോച്ചുകളുടെ എണ്ണം ഇരട്ടിയാക്കുന്നത്. 16 കോച്ചുള്ള പുതിയ ട്രെയിന് മിക്കവാറും അടുത്ത മാസം ആദ്യ പകുതിയില് തന്നെ ഓടിത്തുടങ്ങും.
16 കോച്ചുള്ള ട്രെയിന് ബെംഗളൂരു ഡിവിഷന് ലഭിക്കുന്നതോടെ യാത്രക്കാരുടെ എണ്ണം 530ല് നിന്ന് 1128 ആവും. 598 സീറ്റുകള് അധികം ലഭിക്കുന്നത് ജോലിക്കും പഠിക്കാനുമായി കേരളത്തില് നിന്ന് ബെംഗളൂരുവില് എത്തിയ പതിനായിരക്കണക്കിന് മലയാളികള്ക്ക് പ്രയോജനകരമാകും.
ബെംഗളൂരു- എറണാകുളം വന്ദേഭാരത് രാവിലെ 5.10ന് പുറപ്പെട്ട് ഉച്ചയ്ക്ക് 1.50ന് എറണാകുളത്ത് എത്തും. മടക്ക ട്രെയിന് 2.20ന് പുറപ്പെട്ട് രാത്രി 11ന് ബെംഗളൂരുവില് എത്തിച്ചേരും. ബുധനാഴ്ച സര്വീസില്ല. ചെയർകാറിൽ ഭക്ഷണം ഉൾപ്പെടെ 1670 രൂപയും എക്സിക്യൂട്ടിവ് ചെയർകാറിൽ 3030 രൂപയുമാണ് ടിക്കറ്റ് നിരക്ക്.
